[AbOnOrA]

المشاركة الأصلية كتبت بواسطة Semsem999999 طب اسمحلي بعد سقوط المجلس العسكري مين اللي هيمسك البلد ؟؟ هتقولي مجلس رئاسي مدني ؟؟؟ مين دول ومين اللي هيختارهم وعلى أي أساس هيكون الاختيار ؟؟؟ يعني هل هننعما انتخابات مثلا علشان نختارهم ولا إيه مش فاهم الصراحة ؟؟؟ والمجلس الرئاسي ده هيحكم بأنهي شرعية ؟؟ بالنسبة لموضوع التحرير وإن ماكنش فيه مشاكل أمال شارع محمد محمود إيه اللي هحصل فيه وليه إخوانا الثوار كانوا مصممين يروحوا عند وزارة الداخلية ؟؟؟؟؟ وليه مصممين على المواجهة ؟؟ علشان ناس تموت ويقولك شايفين موتونا ؟؟؟؟؟؟؟؟؟ برضه مش قادر أفهم ؟؟ اللي أعرفه اعتصم براحتك من غير ما تجر شكل حد ، يعني امبارح برضه إخوانا الثوار حاولوا يسقطوا الجدار العازل اللي معمول عند مجلس الشعب ؟؟ ممكن أعرف ليه ؟؟؟ وإيه الهدف ؟؟؟ مش إسقاط الدولة برضه ولا أنا لسه نااااايم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

بص يا صديقى فيه فرق بين انك تعمل كل اللى عايزة بعض الثوار
وبين انك تعمل اللى عليه اجماع من كل الناس

بعض الثوار او بعض التيارات عايزة تسقط تبعد الجيش خالص عن الحكم وبينى وبينك هو كفاية عليه بس ده مش راى الاغلبية
الاغلبية عايزة ميبقاش فيه طرف واحد مستاثر بالسلطة علشان ميتكررش نفس اللى حصل
والاغلبية مجمعة على وجوب اسقاط النظام مش الدولة

فعندك حلين ملهومش تالت يا المجلس العسكرى يستكمل الثورة باسقاط النظام اللى خرب البلد وقطع ديولة وتسلم السلطة لنظام مدنى قائم على تدوال السلطة ودولة قانون ومؤسسات

يا هتستمر الفوضى شئنا ام ابينا

موضوع المجلس الرئاسى مش مستحيل زى ما خلع الرئيس كان بيصور على انه مستحيل
والمجلس الرئاسى مسيرة هيمشى ومسيرنا نتعلم التوافق والتعايش والاستفادة من الاختلاف والتنوع لمصلحة البلد
لكن اللى عمال يفرقنا ويحزبنا ويهيج البلد على بعض هو المجلس وحدة استمرارا لسياسة النظام السابق

اعمل مجلس رئاسى مكون من اى عدد وفيه عناصر من الجيش زى ما فيه مدنيين
سيب الاحزاب اللى ليها اغلبية فى البرلمان تكون حكومة ائتلافيه مع باقى الاحزاب
ويبقى انت معاك صلاحيات الرئاسة والشعب معاه صلاحيات الحكومة

لكن الوضع الحالى ومحاولات مدة لاكثر من مرة اسواء من الوضع ايام مبارك واسوء من الوضع ايام الملكية الدستورية

يبقى مبارك بيتحاكم مدنى والثوار بيتحاكمو عسكرى مش مقبول
تحصل كوارث سياسية كل يوم ومعارك اهليه ويتشوه صورة الجيش زى ما حصل للشرطة ده مش مقبول

الجيش على عينا وعلى راسنا فى مكانة على اسلحتة ومواقعة لكن الجيش كمصرف للبلاد ومدير للحياة السياسية فاشل حتى النخاع ومحاولات مدين الجيش على مدى الخمسين سنة اللى فاتت اكدتلنا ان حكم العسكر فاشل بجدارة
مستنين تخرب البلد اكتر من كده ايه
يا نعمل الصح للاخر يا اما معملناش حاجة
يا البلد تتسلم للشعب وعصابة على بابا تتحاكم وتترد المظالم
يا هيفضل الصراع قائم

صدق او متصدقش ديه ترجعلك