22-12-2011, 01:33 AM
|
 |
|
|
تاريخ التسجيل: Apr 2011
المشاركات: 1,565
|
|
موضوع غريب ؟؟؟؟؟؟
هل لازم يكون ليك موقف محدد في الحياة؟
يعني يا اما سلفي ومتحبش الاخوان
يا اما اخوان ومتحبش السلف
يا اما اهلاوي متعصب وتكره كل حاجه بيضة
يا اما زملكاوي وتحب البطيخة القرعة عشان مش اهلاوية
يا اما 6 ابريل يا اما مجلس عسكري
حاجه تانية
هل لازم كل اراءك او معتقداتك تعلنها للاخرين ؟
يعني ممكن تكون مؤمن بمبدا معين ومتحبش تقوله لسبب ما ؟
متضايق مثلا
مش عايز تتكلم؟
طبيعتك مش بتحب تقول للاخرين اللي في دماغك
واجهت تجارب في حياتك علمتك انك تبقي غامض عشان لما تتخذ موقف ميكونش متوقع وتعرف تشتغل صح ؟ وبالتالي بقيت كدة في كل خطوات حياتك؟
هل مبدأ المداراة دة غلط
ولا اللي هيتقال دة بيركب مع الموجة
طيب انت شايف ان الاهلي كويس بنسبة 60 %
والزمالك كويس بنسبة 30%
اية المشكلة انك تبقي زمهلاوي او بتشجع اللعبة الحلوة
حاجه كمان
هل تتعامل مع الناس بتاريخهم
ولا تتعامل حسب الموقف
يعني
هل تنظر لصعوبة الموقف وبالتالي ترد بناء علي الكلام
ولا وانت بترد بتفتكر انت بتكلم مين بكل تفاصيله الحلو والوحش يعني
لو حلو تلتمس العذر
ولو وحش.....
تتخانق وتكون صاحب صوت جهور
ولا كن كالاسفنجة ؟
فهل جربت أن تكون مثل الإسفنجة؟؟
تتحلى بالرفق واللين.... فتملك قلوب الناس..
ويكون التعامل معك من أروع ما يكون...
كن مرناً كما الإسفنجة...! فلا تتعصب لرأيك ..
تقبل النصح برحابة وسعة صدر كما تتقبل الإسفنجة الماء فيتخللها بسهولة!
انا قلت من الاول انه موضوع غريب محدش صدقني
__________________
 بسم الله الرحمن الرحيم
وما كان ربك نسيا
صدق الله العظيم
|