[AbOnOrA]

يا اخوانا بس فى نقاط محددة

اولاً ايه تعليق السادة الظباط على اداء السادة افراد المجموعات اللى سحلو فى فيديو واحد خمس اشخاص ذكور واناث بابشع واخس الطرق ( استمرار الضرب حتى بعد الاغماء )

يعنى ده اداء ارتجالى ؟ طيب الاوامر كانت ايه تفتكرو ؟ اسحلو الناس ولا مشوهم ولا اعتقلوهم ؟
طيب هل ده اداء ادمى ولا فعلاً معاملة الجيش ممكن تحول العساكر اللى المفروض كمستوى تعليمى افضل من عساكر الداخلية وممكن يبقو بالوحشية والغباء ده

طيب ليه خمسة وتمناية بيتلمو على واحدة مغمى عليها ما كفاية واحد يضربها لحد ما يطلع السر الالهى والباقى يكملو جرى ورا الباقى
مش ده المنطقى
ولا هو تهويش واللى يقع يتعمل عليه حفلة
على فكرة ده قمة الجبن والخسة

وبعدين حاجة تانية اغرب
الضباط فى وسط العساكر وكل واحد لابس اكتر من خمسة كيلو خوز ودروع ولبس وفى ايدة طنفة ولا شومة وفى ظباط معاهم طبنجات وخايفين من شوية عيال بلطجية بالطوب حسب تقديركم
طيب والنبى مش ديه خيبة
امال لو البلطجية دول معاهم رشاشات هيعملو فيكم ايه ؟؟

ثانياُ ما هو تفسير السادة الظباط للهجوم المتكرر على المتظاهرين بحجة اجلائهم ثم الانسحاب ليعودو مرة اخرى

يعنى هما بيبقو عايزين ايه برضو ؟
اخلاء وتامين المنطقة ولا مناوشات وكر وفر ؟
انتو عاجباكو اللعبة بقى ؟

ثالثاً ماهو تعليق السادة الضباظ على اداء المجموعات التى كانت فوق سطح مجلس الوزراء وما صدر منها من قذف طوب وكسر فضلاً على استفزاز الثوار بالاشارة والقول

انا عايز تفسيرات مهنية الله يباركلكو لو سمحتو
انا مش بسئل على تسليح وذخيرة
انا بسأل عن تقديركم لمدى مهنية الاداء الى شوفتوه
ومدى صلتة بالعسكرية المصرية

بغض النظر عن الناس اللى اتسحلت والكرامة اللى بتتهان والشرف اللى ملوش تمن
انا بس عايز اطمن على جيش مصر
هو ده اخركم يعنى ده افضل اداء للسيطرة على ميدان التحرير

مصيبة ليكون ده الحال فعلاً

فى انتظار الاجابات المهنية والموضوعية من السادة الضباط المحترمين