رد: لو طلب منك ان تكون رئيس الوزراء
موضوع مميز يا باشمهندسه
عن نفسي لا اقبل بهذا المنصب في هذا الوقت
و لو كان لابد
اول حاجه احاول اعملها هو تربيه الشعب
بدايه من اصغر واحد لاكبر راس من خلال ضبط الشارع المصري
تعيين فئه جديده من المراقبين علي جميع المصالح الحكوميه
و انا اللي اعينهم بمقابلات و اختبارات صعبه من طرفي
و يبقي عندنا علي الاقل 10 الاف مراقب علي كل شئ
مش مهم لما كل واحد منهم ياخد 2000 في الشهر يعني حوالي
120 مليون في السنه
مهمتهم ضبط الشارع المصري بكامل فئاته بدايه من الوزراء مرورا بهيئه القضاء و الشرطه
و السائقين و كل من يخالف القانون
علاوه علي تشديد المخالفه لمن يقومون باستعمال القانون لتصل الي خمسه اضعاف العقوبه العاديه او الاستقاله
يعني ضابط ولا وكيل نيابه ولا اي شئ من هذا القبيل عامل زجاج ملون يتعاقب و كذلك المشي العكسي
من احدي وظائف المراقبين دول البلاغ عن اي سياره نقل تسيره في الحاره اليسري
و بكده لما الشعب يحس انه متراقب من ناس نزيهه و مش عارفهم للاسف ساعتها هيتلم و يمشي مظبوط
اول ما الشعب يمشي كويس و يبطل همجيه و دا مش صعب بدليل ان اي مصري بره مصر بيمشي زي ما الكتاب بيقول
هنلاقي كل واحد انظبط في شغله و راعي ربنا و خاف
بعد كده يكون عندنا اساس كويس نقدر نبني عليه
تحسين للمواصلات و الطرق و الكباري علشان نقضي علي الزحمه و تعب الاعصاب
الزام شركات القطاع الخاص بحد ادني للاجور و عدد ساعات عمل
و لا بد من تفعيل قوانين للقوي العامله حتي لا يقوم اصحاب الشركات باستعباد الموظفين
هنوصل في المرحله دي بشئ من الحياديه و النظام يمكنا من المرحله الثالثه
و هو التوسع الافقي و الرأسي في جميع المجالات
هنبتدي بالتوسع الراسي عن طريق زياده الانتاج و تحسين مستواه
ثم التوسع الرأسي عن طريق زياده عدد المنافسين لانتعاش الاسواق و خفض القيمه الشرائيه نتيجه المنافسه
الكلام دا ينطبق علي الزراعه و الصناعه و التجاره باشكال مختلفه
هنيجي بعد سنتين هنلاقي
شعب منظبط و واخد حقه و مش بيجي علي حق حد و بيشتري و ينفع بلده و ينفع اهله و نفسه
طبعا اللي مش هيستحمل النظام هيقعد في بيته لحد ما يتأدب و يتربي و ينزل الشارع تاني
__________________
حـازم خـضـر
|