المشاركة الأصلية كتبت بواسطة sherif fersh
عفوا للتأخير ...
أود أن أعرف آراء اﻷخوة المشاركين فى السؤال اﻷخير ...
و معذرة .. سوف أجيب
التصرف الذى أعرفه هو القبض على الدخيل
و السلاح الوحيد المتوافر هو السلاح النارى
يعنى ... يضرب نار على الدخيل
لكن فى حالة الفيديو الشهير نرى أن
بضع جنود يطاردون شابا و فتاة و يوسعونهما ضربا و ركلا
يطرح المشهد أسئلة أخرى ...
اشمعنى دول ؟
و هل يوجد غيرهم ؟
و لم كل هذا الغل فى ضربهم ؟ ( ليس دفاعا عن الفعل و إنما رغبة فى استيضاح الموقف )
و لماذا شاب و فتاة ( و ليس شابين أو فتاتين )
لكم تمنيت أن يكون المقطع قد تم البدء فى تصويره 30 ثانية أبكر
لنر ما الذى يفران منه تحديدا ( أو الجنود قد بادروهما بالضرب بلا سابق إنذار )
و أخيرا ... لا أؤيد ضرب الذكور أو الإناث
و كذلك لا أؤيد التعدى على منشآت الدولة و كذا أفراد الحراسة المعينين عليها
و أتمنى أن ننحى عواطفنا جانبا و لتكن نظرتنا أكثر شمولية
و نمسك بالرأس لا أن نتمسك بالذيل
و على فكرة ... أنا ضابط جيش و فخور بإنتمائى لجيش مصر
و تحياتى للجميع `
|
اكيد اى فرد لازم يكون فخور بانتمائه للجيش المصرى
بس احب عرف تعليق حضرتك على الفديو الكامل ده وليس المقطع اللى حضرتك بتتكلم عليه وخصوصا من الوقت
1.10
الى
1.41 وتقولى ايه رايك فى اللى عملوه الجنود فى الناس اللى المفورض تشيل البنت اللى هى اتعرت والضرب المبرح اللى اخدوه وشوف سعتك الضابط الى بيضرب نار وواضح جداااااا ومتقوليش ان مش رصاص حقيقى علشان ده ضابط جيش وانت عارف معنى كلامى كويس وشوف اتجااه ايده فين بالضرب هل ناحية المتاظاهرين ولا فى الهوا
علشان لما يطلع واحد ويقول انهم التزمواااقوى درجات ضبط النفس وان الرصاص مش حقيقى ولما يعمل مؤتمر صحفى ومش عايز يجيب ولا فديو ولا صورة تدين الجنود والسفالة اللى كانوا بيعملوها من فوق المباانى وحدف الزجاج والطوب ولما حد يحاول يشرحله يقوله اسكت ومتتكلمش لا بأذن علشان محدش يغلطه وده كان واضح اوى ومكنش محتاج تفسير
ولما يجى انهارده فى القناة الاولى جندى من اللى انصابوا فى احد البرامج وهما بيجيبوا مصابين الشرطة وبالخطئ بيقول واللى محدش خد باله منها ان انا وزمايلى
كنا فوق المجمع العلمى واتحدف علينا طوب وملتوف .ومنا ناحية تانيه يقولك احنا مكناش فوق المبنى
احب اسمع تعليئك على النقط ديه واحدة واحده وهو مش هجوم لشخصك ولا للجيش بس صدقنى فى علامات استفهام كتير وحاجات كتير غلط ولو متحلتش بحكمة وسرعة يبئا وقعنا فى حفرة غويطة ومظلمة ملهاش معالم
ولك منى خالص الاحترام