رد: مشكله فى دواره العربيه
الرشاشات لو فيها رواسب ممكن تتسبب انها متقفلش كويس و ده يخليها تسيل بنزين اثناء الادارة فالماتور يشرق و ميدورش بسهولة
حلها ان الرشاشات بتتفك و بتتنضف بالموجات فوق الصوتية ( الترا سونيك ) الصراحة و لا شوفته و لا عملته بس تجارب ناس كتير انه حقق نجاح
و لما بيجبش نتيجه بيبقى تغيير طقم الرشاشات هو الحل
حركة دوسة البنزين دى انا متأكد منها فى اللانوس لان دوس الدواسة على الاخر قبل التدوير بيوقف البنزين فيسهل التدوير لو العربية شرقانة او ممكن تشرق
فلو الحكاية دى فى النيو اكسنت برضه و الايام اثبتتلك سهولة التدوير بالحركة دى فده مؤشر شبه مؤكد ان الرشاشات محتاجة نضافة بالاترا سونيك او التغيير لو مفيش نتيجة
هذا و الله اعلم
فى نظرية تانية ان ممكن تكون المضخة ساعات مبتحضرش فدى محتاجة تركيز قبل كل تدوير تبقى ودنك مع المضخة هل بتزن الاول مع فتحة الكونتاكت قبل التدوير و لأ و هل لو مزنتش فعلا التدوير بيطول ؟
__________________
سبحانك لا علم لنا الا ما علمتنا
التعديل الأخير تم بواسطة احمد على 1999 ; 21-12-2011 الساعة 12:58 AM
سبب آخر: اضافة هامة
|