[تامر ديزل]

وعلشان الموضوع عاجبني اوي عاوز اقول حاجه كمان من واقع الحياة العملية ويمكن تكون مثال على المسئوليه اللي بتقع على الحاكم وان الحكم ده شئ صعب جدا وانا ببقى مستغرب ازاي فيه ناس بتتقاتل على انها تقعد على كرسي الحكم
وياريت محدش ياخد المثل ده اني باتكلم على نفسي والحوارات دي ... ده ضرب مثال مش اكتر ويمكن كتير منكم مسئولين زي عن مواقع وتحت ايدهم افراد بيشغلوهم وهيكونوا متفهمين الكلام اللي بقوله
تخيلي حضرتك لما تكوني مسئوله عن خمس اماكن بيشتغل فيهم اكتر من 250 واحد فيهم المتعلم وغير المتعلم والمثقف والجاهل والمتدين ووووو وكل شئ وعكسه حتى الحرامي موجود ومطلوب منك يوميا حجم عمل واصلاحات تتعمل في وقت ضيق جدا وكمان مطلوب استغلال طاقات الناس الموجوده وكمان تراقبي تصرفاتهم وتحاسبي الغلطان وكمان تطالبي بتحسين ظروفهم ولو حد عيان تساعديه حد عنده حالة وفاه تواسيه حد محتاج فلوس تتصرفي حد عمل خطأ غصب عنه تدافعي عنه قدام الاداره دا غير الخناقات والبلاوي المنتشره في الوسط ده ... غير المخدرات واللي غايب وعاوزه تشوفي حد يشتغل مكانه وووووووو وكمان خدي عند حضرتك ولا يخفى عليكم الدسائس اللي بتبقى في الشغل والاحزاب والتكتلات اللي ضد المسئول وكل شويه تتفاجئ باضراب كل ده ومطلوب من المسئول ان الشغل ما يقفش والانتاج ما يقلش علشان ييجوا اخر الشهر يلاقوا فلوس يقبضوا ويفتحوا بيوتهم
شوفتي بقى حضرتك ورشه فيها 250 واحد مليانه مشاكل وكله في رقبة المسئول الحلو والوحش يبقى بلد فيها 80 مليون تتحكم ازاي ؟
ممكن بقى حضرتك تعملي اسقاط من كل اللي قولته على بلدنا مصر المسئول عنها مطلوب منه كل الحاجات دي بس على كبير بمقياس رسم 250 الى 80 مليون
عشان كده ببقى مستغرب الناس دي متبته في الحكم ازاي ؟
[/COLOR]