السلام عليكم و رحمة الله و بركاته جميعا
بعد كل ما رأيت و قرأت فى مواضيع ثورة 25 يناير
اللى بدأنا نخرج تماما عنها
كنت معتقده ان التدريس فى الجامعه لطلبة فى اوائل العشرينات
و التعامل معهم اللى احيانا بيرفع لى ضغط الدم
كنت معتقده ان مهنتى دى اصعب مهنة
والتعامل مع السن ده سواء فى عملى
أو فى منزلى مع أولادى ده اصعب سن للتعامل
ولكن هيهات هيهات بعد مناقشاتى هنا
بعد ان بعدت قليلا عن مواضيعى الاجتماعية
التى سعدت بها وسعدت بما وفقنى الله فيه
من اصلاح الكثير من المشاكل التى جاءت لى على الخاص من أخوة محترمين
وكنت طبعا استشير زوجى و استأزنه قبل الرد على أى مشكله ويعلم الله للامانة الزوجية طبعا
بعد بعدى عن الجانب الاجتماعى هذا وجدت ضيق الصدر الذى اصابنى بالاحباط و الاكتئاب منذ امس لدرجة اننى كنت على وشك مقاطعة الدخول لمصرموتورز كلها
وليس مواضيع 25 يناير فقط
ولكنى فكرت و قلت طيب الناس عاوزة ايه
مش عاوزين المجلس العسكرى ( اللى اسماه البعض سمكرى )
مش عاوزينه ولا حتى لحين انتهاء الانتخبات على خير
مش عاوزين الجنزورى
قالوا شرف اللى همه اختاروه فى التحرير انه زفت
عاوزين اعتصام للابد فى التحرير
طيب حرق وثائق مصر نقول عليها ايه
طيب ليه مش بتطالبوا برجوع علنية المحاكمات تانى و نعرف ايه بيحصل
طيب بطلتوا تتكلموا عن الفلوس المنهوبه ليه
بصراحة لم اتخيل ان اتعرض للتهكم و التريقة فى الكلام معى ويقال لى (ماما سلوى)
وبتريقة و انا اكن للجميع كل احترام و لا اهين احد أو اتهكم على أحد
ويمكن فقط انفعلت عندما ذكرت المرأة المسلمة و حجابها و بقابها و عفتها وهذا اللى قامت ثورتى له فى موضوع (حور العين من النساء) اللذى ضم بعد ذلك لموضوع ريتشارد و تم الغاء الجميع و الحمد لله حفاظا على حياء العضوات جميعا
المهم مش عاوزة اطيل عليكم فى حالة من التفكير و الزعل انا فيها منذ امس
عاوزة اسأل
لو عرض عليك منصب رئيس وزراء مصر هل ستقبل ؟؟؟؟
واذا قبلت اعرض علينا اهم القرارات التى ستتخذها نقول 10 قرارات مثلا
أو اكثر كما ترى كرئيس للوزراء
والله الموفق
فى انتظار الردود
ومش عاوزة مشاهدة فقط بدون رد
