[noor a.s]

المشاركة الأصلية كتبت بواسطة dr.wael7yran يا اخوانا اتقوا الله .. و بلاش التحاليل السياسية و التكهنات و القاء الاتهامات على بنت مسلمة بدون دليل .. سمعتم عن احداث الافك .. يوم ما الناس تداولت سيرة بيت رسول الله صلى الله عليه و سلم بالسوء .. ربنا قسم المسلمين حسب رد فعلهم الى الى ثلاث فئات .. الفئة الاولى قالوا .. " لَوْلا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَذَا إِفْكٌ مُّبِينٌ " يعني قالوا لا يمكن لزوجة النبي ان تقع في مثل هذا الغلط و ده كذب و زور و بهتان بكل ثقة في الرسول عليه الصلاة و السلام و اخلاقه و اختياره لاهل بيته.. و الفئة التانية قالوا .. " وَلَوْلا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ " يعني قالوا المسلم الصح لا يمكن ان يغلط في اعراض الناس .. سواء كانت زوجة نبي او لم تكن .. سواء كانت ست كويسة او ست وحشة .. احنا هنلتزم بالسكوت وموش هنقول دي وحشة ولا كويسة و مالناش دعوة باعراض الناس .. و الفئة التالتة قالوا .. " إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ " يعني الناس تتكلم و تقعد دول ايه اللي وداها هناك و ايه اللي خلاها تعمل كده و دي لو ست محترمة مكانتش تسمح بانه ده يحصل و لو اهلها ربوها مكانش ده هيحصل و كل الكلام اللي بتقال في المواقف دي .. و تحسبونه هينا و هو عند الله عظيم تحب انت تكون بقى من اي فئة فيهم ؟؟؟؟؟ اتقوا الله .. و بلاش نخوض في اعراض و نوايا الناس .. و عار على حكام مصر .. انهم يسحبونا معاهم على مثل هذا التدني في التعامل مع البني ادمين .. اللهم قد بلغت .. اللهم فاشهد

الله يفتح عليك انت كده جبت من ا لآخر فعلا