المشاركة الأصلية كتبت بواسطة lost2008
افتراض ان فيه طرف ثالث الملقب باللهو الخفى الى اجهزة الدولة الامنيه مش عاوزة او مش عارفة توصله
|
مش عاوزة
حضراتكم ناسيين ان فى حالة تسليم السلطة للمدنيين(واللى ان شاء الله هايحصل) المفروض ان المجلس الاعلى هايتسأل عن مصاب وشهيد منذ بداية الثورة وحتى تسليمه السلطه؟؟؟ وفى تقديرى من مصلحة المجلس الاعلى عدم تسليم السلطة بأى وسيلة حتى لا يقع تحت دائرة الاستجوابات من نواب المجلس
هو الجيش(قيادات المجلس الاعلى وليس الجنود المنفذين للأوامر) تربية مين؟؟؟؟
مش مبارك عهد بالسلطة للمشير ؟؟؟ يعنى مش انقلاب عسكرى...
واعتقد وواضح ان النظام الفاسد مازال مستمرا بكل مساوءه لكن بوجوه كنا نحسبها لا تخشى الا الله واتضح انها تخسى مفارقة الكرسى
واكبر دليل ما قام به وزير الداخلية منذ دخولة الوزارة والحملات التى تقوم بها الوزارة فى ضبط الخارجين على القانون
ليس من المنطقى او المعقول ان جهاز امن الدولة او الامن القومى او المخابرات او الجيش مش عارفين يحددوا هوية الطرف الثالث
حد فاكر احداث محمد محمود ..؟؟؟ بعد ضرب مستمر لايام وشهداء ومصابين ... وعمالين يدورا عل حل للموقف وفى الاخر حطوا 3 صفوف واجز اسمنتية؟؟؟؟؟؟
هو الحل ده محتاج عبقرية ولا محتاج الفترة دى عشان يتنفذ
المجلس العسكرى متمثل فى قياداته فقط (وليس الضباط والجنود الذين فى الشارع) هو المسئول الاول والاخير عن كل روح شهيد وكل نقطة دم نزفت من مصاب وعمل زى المثل اللى بيقول "جه يكحلها" -لحساب مبارك - "عماها "-على المتظاهرين والشعب عموما
وماننكرش طبعا ان اى حد يتعدى على المنشآت الحيوية والمبانى وخصوصا لو كانت فى قيمة المجمع العلمى واى حد يتعدى على كرامة الجندى المصرى مالوش جزاء غير الاعدام " لكن مش هانبص على اللى اتعدى لانه مش فاهم حاجه لأ نبص على اللى حرضه على التعدى
السلطة الحالية "المجلس العسكرى متمثل فى المشير طنطاوى" لو عايزة تأمن وتحافظ فعلا على البلد وتنظفها كانت عملت كده بمنتهى السهولة وهاتعرف تميز بين متظاهر سلمى وشباب مثقف وواعى وبين اطفال شوارع او مسجلين خطر وبلطجية
لكن تقول ايه ؟؟؟ نظام فاسد افرز قيادات فاسدة والناس هم الضحية