المشاركة الأصلية كتبت بواسطة socobolos
انا اشتريت نيو الانترا في 2007 اول ما نزلت و كانت ب 95 الف جنيه اوتوماتيك و فضلت معايا لحد 2012 و عملت 212 الف كيلو و بعتها و اشتريت ال2012....وكيل اوتوماتيك فتحة سقف....اول ماركبت الجديدة حسيت بالاتي بالمقارنه بالعربية السابقة
1- العفشة زفت و بتخبط في المطبات الصغيرة اكتر من اللي مشيت بيها 212 الف
2-الثبات زفت مقارنة بالقديمة
3-التسارع زفت الزفت الزفت الزفت خالص و تحس انك راكب 1300 مقارنة بالقديمة...كنت بالقديمة بنفخ اي هوندا او سيراتو او لانسر و بسهولة ملحوظة كمان و كنت لحد ما بعتها العداد بيجيب 200...الجديدة بعد ال120 بتزعق عالفاضي
4-السماعات منغير تويتر و مكتومة و غالبا وان واي سبيكر
5- الفرامل اللي ورا برميل مش اسطوانه زي القديمة و ده معناه في الحر الفرامل هتكون اضعف من القديمة
6-جهاز الانذار مرة يضرب و عشرة لأ و هروح انفخهم في التوكيل ...لانه بتشغل الانذار و اذا فتحت بمفتاحك الانذار مش بيشغل مرة و عشرة
7- و اخيرا المفجأة الكبرى عربية اخويا اتسرقت الانترا 2012 سودة وكيل نتيجة عدم انطلاق جهاز الانذار و استطاع السارق انه يفك مسوجر الدركسيون و تشغيل العربية و عند الابلاغ اتفاجئ اخويا ان في عده بلاغات بسرقة الانترا بعد صيانة الالف كيلو بمفتاح مصطنع و بنفس الطريقة و بعتنا لغبور و طلبوا التفاهم عشان سمعتهم تقريبا .... المهم الضمان بيغطي جهاز الانذار و بالتالي المفروض يتحمل نتيجة سرقة العربية و عدم انطلاقة.
المحصلة لو معاك القديمة اوعى تزعل .... افرح انك ما شربتش المقلب
|
قبل ما تشوف ردي علي حضرتك ونقدي ميعجبكش اعرف اولا من عشاق الالنترا الشكل اللي فات وكانت معايا سنتين ولو هيخروني بين الاتنين اركب القديمه فعلا بس الموديل والشكل مش اكتر
ثانيا اني من كارهي غبور جدا ولسه عامل معاهم خناقه وكمان دافع الف جنيه وشاري دراع نور لعربيتي ولو بصيت في مواضيعي هتلاقي الموضوع كامل يعني مش من مؤيدي العربيه تماما بس منبهدلهاش اوي كده
اولا مفيش حد اشتكي من العفشه نهائي بالعكس العربيه ناعمه جدا
ثانيا ثباتها تقريبا زي الشكل اللي فات بنسبه 99% لانه نفس التعليق زياده عليه قاعده عجلات خلفي وامامي اعرض
ثالثا تقريبا حضرتك كنت راكب عربيه تاني وناسي ولا ايه تسارع زفت مينفعش تقول كده لأنها ببساطه نفس المكنه اللي فاتت بس 130 حصان مش 121 وتسارعها رهيب
رابعا للامانه موضوع السماعات ده ملحظتوش اوي لاني مش من هواه الكاسيت وخاصه الصوت العالي
خامسا الفرامل بتاعتها كويسه بس يمكن مش هعرف اجادل حضرتك لاني جايب الفئه اللي فيها ABS
سادسا فعلا موضوع جهاز الانذار ده حقيقي ومليت منه بس انا ريحت دماغي وغيرته بواحد وولف محترم علي نفس السنتر القديم وتمنه مش غالي وشغال كويس
سابعا موضوع السرقه ده بجد اول مره اسمعه منك ومصدقك لان غبور بجد توكيل معفن وربنا يستر