رد: أوقفوا نشر هذه الصورة واحترموا كرامة الفتاة
المشاركة الأصلية كتبت بواسطة AboNoRa
الموقف ده بيفكرنى بواحد بيتعرض لتفتيش والتشكيك فمن زهقة يقلع ملط علشان يثبت انه برىء
مفيش حد مش متاذى من كل الصور اللى شوفناها فى القصر العينى سواء انتهاك الحرمات او انتهاك الكرامة والادمية كلهم سواء عند الدين والقانون وعند الشرفاء امثالك
لكن تعمل ايه فى اللى بيقول انهم يستاهلو السحل
وتعمل ايه فى اللى بيقولو مفبركة
ياريت نبطل ننتقد مظاهر المشكلة ونسيب اسبابها
|
احنا يا ابو نورا مش بننتقد مظاهر المشكلة ونسيب اسبابها
ما احنا من يناير اللى فات بنتناقش فى اسبابها
احنا بنقول نستر العورات شوية
مش هتوصل اننا نقعد نناقش نوعية ملابس البنت و نقعد نناقش طريقة شدها منين و مين و اللون بقه كمان بالمرة و اللى يقول ولد ولابس بلاستيك
بالله عليك هل ده كلام مقبول وغير جارح
استروا انتو البنت اللى عراها يا سيدى العسكرى
مش معقول كده دول زى اللى ما صدقوا حاجة يمسكوها بالتحليل
وصور و فيديو ما نتكلم و نتناقش بدون ذنوب النظر لعورات النساء
مش معقول كده هو خلاص الفراغ عند الكل تواجد لمناقشة ملابس البنت و نوعها و مستوردة منين بالمرة
يا ابونورا لازم نراعى ربنا فى كلامنا
ونناقش يا سيدى الاسباب و النتائج و يارب تشتموا الجيش و الشرطة و الشعب كله بس استتروا سترنا الله جميعا
الراجل المحترم صاحب الموضوع بيقول ابنته امامه و هذا ما هز مشاعره و تخيل لا قدر الله ابنته لو فى هذا الموقف
وبعدين البنات دى يا ابو نورا و اللى راحوا يشتموا المجلس العسكرى فى العباسية ما يقعدوا فى بيوتهم او يمارسوا السياسة باحترام مش بشتيمة بذيئة و قلة ادب هى دى الثورة
انت تقبل بنات يقفوا امام شركتك و يشتموك بهذا الشكل
ارجوك لا تزعل من صراحتى
بس كلنا مثلك وطنيين و خايفيين على البلد بس مش نؤيد شتيمة فى الجيش ومش عاوزين حريقة كل يوم
تحياتى لحضرتك و دعمك الدائم للثورة بس برضة لا للتخريب لا لحرق البلد لا للاهانات 
واخيرا اللهم استرنا فوق الارض وتحت الارض ويوم العرض عليك
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
التعديل الأخير تم بواسطة Eng/salwa ; 19-12-2011 الساعة 08:52 PM
|