رد: يا جماعه طلب مساعده ضرورى عملت حادثه بالانسر بومه ......
قدر الله و ما شاء فعل
الاول بتعمل محضر و تثبت فيه التلفيات
و تتصل بشركه التأمين تشوف هما بيصلحوا العربيه فين
و لو مش عاجبك المكان تقولهم انك عاوز تروح التوكيل
هيقولوا لك تدفع انت مصاريف الحادث و بعدين هيبعتولك شيك بالمبلغ
و تودي العربيه المكان اللي هتصلح فيه و تستني مندوب التأمين يجي يبص علي العربيه
خلي بالك لان مندوبين التأمين معظمهم زباله و اسف في الكلمه
لانه ممكن يجي يعملك الحادثه دي علي انها حادثتين تلاته
و تلاقي نفسك دافع علي كل حادثه منهم 200 جنيه
تبقي واقف مع مندوب التأمين و هو بيعاين و تشوف التقرير
و سيبك من الشويتين اللي بيعملهم و التكشيره و الشغل الفاضي دا
خد حقك حتي لو بالقوه لان الناس دي ما ينفعش معاهم المعامله الكويسه
و دا عن تجربه شخصيه
__________________
حـازم خـضـر
|