رد: حاجه تحير
مالك يا مودي باشا ... الناس قلقتك من البرافو و لا ايه ؟؟
في رأيي الشخصي مفيش وجه للمقارنه بين السيراتو البرافو الا في السعر و الهورس باور ...
ودي كمقارته بينهم كعربيتين ...
لكن لو اتكلمنا عن الوكيل او سعر اعاده البيع فللأسف السيراتو تتفوق ...
لكن الخامات و التجهيزات و التصميم و المواد ... فالافضليه للبرافو اكيد ... ( نظلم البرافو لو قارنا الانتيريور بتاعها (كتصميم و خامات ) بالسيراتو او الانسر )
لو حضرتك عايز تجيب عربيه مميزه و مختلفه و تبقى مبسوط بيها اوي و تستمتع بيها لكن تلتزم بالصيانه في الوكيل و قطع الغيار و من غير ما تفكر في بيعها بعد كام سنه بكام ... تبقى اكيد البرافو ..
لكن لو بتحسبها بمفاهيم السوق المصري و العرض و الطلب و عربيه تنتشر و بعد كام سنه تلاقي قطع غيارها في اي حته و مراكز تشتغل فيها بسهوله و تبيع بسهوله بسعر معقول ... تبقى السيراتو و اللانسر و الالنترا ...
عموما البرافو من ورا مش واسعه اوي طبيعه اغلب العربيات الهاتشباك ... و الكيا ليها توكيل محترم كمان ومحدش اشتكى منه ...
بخصوص الصدمات فالمفهوم في الجديد النهارده هو امتصاص الصدمه بعيد عن المقصوره ... يعني اي عربيه صاجها خفيف .. لكن العبره بالمحافظه على المقصوره ... و دي اعتقد ان البرافو تتفوق فيها لأنها حاصله على 5 نجوم (على ما اتذكر )
__________________
من تواضع لله رفعه The ultimate car would be designed by Italians engineered by Germans built by Japanese &
|