[مادا]

المشاركة الأصلية كتبت بواسطة TOOLA لأ انا مقولتش ان المجلس هوا الحاططهم. انا قولت ان المجلس بيعرف يستفيد من تواجدهم عشان لو حب يشعلل الدنيا و ده الحصل فى التحرير المرة الفاتت, ضربهم و بعدين سابلهم الميدان و راح مصدر الشرطة, و جه بعد ما الدنيا اتقلبت بأسبوع قلك هنعمل فاصل اسمنتى طب كانت فين من الأول الفكرة العبقرية ديه. و دلوقتى لما حس باحتياجه فرملة الانتخبات شوية أو قد تكون هناك اسباب أخرى راح مصعد الدنيا تانى (كل ده وجهة نظر شخصية تحتمل الصواب أو الخطأ). بالنسبة لاجابة سؤالك انا جاوبتك بالأعرفو على فكرة, بس واضح انك مقرتهوش كويس.

اعرف من كلام حضرتك اللى انتا سايب اللى غلط من الاول ومسكت فى اللى استفاد من الغلطه .. سايب اللى معسكرين امام مجلس الوزراء لاكثر من شهر ومحدش عارف هما عاوزين ايه بالضبط .. وماسك فى المجلس اللى عرف يستفاد من التظاهر ده .. مش فاهم انتم ليه بقالكم شهر محدش عايز يغلط الناس دى كان حق مشروع لهم التظاهر امام مجلس الوزراء ومنع رئيس الوزراء من مباشرة عمله .. ولما الجيش ضربهم كله قام على الجيش يعنى يسبهم يولعوافى البلد مش فاهم ..
مين اللى ولع فى مبنى الوثائق
.. مين اللى كان عاوز يحرق مجلس الوزراء
مين اللى قفل شارع القصر العينى بدون اى سبب او مبرر
كل الكلام ده ميستهلش ان الجيش يضربهم علشان يمشوا ... خلاص لو انتوا عاوزين كده ماشى جيش مصر خاين والمتظاهرين اللى احنا مش عارفين هما مين ولا عاوزين ايه هما اللى صح وبيحبوا مصر