[غريبو99]

بسم الله الرحمن الرحيم
الأخوة الكرام / أعضاء المنتدى المحترمين
السلام عليكم وبعد التحية

فى الآونة الأخيرة ظهرت انتشرت وظيفة سهلة جدا فى المجتمع المصرى وهى وظيفة (ناشط سياسى) وهذة الوظيفة سهلة جدا الآن بعد ثورة 25 يناير بدون إعلان وظيفة من جهه معينة وبدون مصوغات تعيين او بدون مقابة شخصية ولا تقديم اى اوراق لجهه معنية بالوظيفة أو بدون تقديم سيرة ذاتية عن المتقدم للوظيفة وظيفة (الناشط السياسى) وهناك وظيفة أخرى وهى (الحقوقى) وهذة الوظيفة أيضا مثل وظيفة الناشط السياسى وليست لها أى شروط ايضا او اى ضوابط.

فكلما سألت اى شخص متظاهر فى اى مكان يقول لك انا ناشط سياسى.
وكلما سألت اى شخص أيضا يقول لك انا حقوقى.
قفد تابعت تقريبا كل المظاهرات فى محافظتى وفى محافظات أخرى وكنت أسأل الشباب انت بتعمل اية هنا كان بيقلى انا ناشط سياسى يا (بية) وشخص آخر يقلى انا (حقوقى) يا باشا والمهم ان الناشط والحقوقى عندة 17 سنة و15 سنة و20 سنة كلهم تقريبا فى هذا السن ما بين ناشط وحقوقى

وفيهم والله ناشطين وحقوقيين (محسششين) و (مسطولين) على الآخر "آسف على اللفظ دة"
وفيهم مش عارف هو نازل المظاهرة او الشارع لية بس المهم انة ناشط
وفيهم اللى نازل يسترزق من المظاهرة واسمة ناشط
وفيهم اللى نازل يتعرف على البنات فى المظاهرة واسمة بردة ناشط نازل يتعرف على ناشطة
وحقوقى نازل يتعرف على حقوقية
والعملية بقت نشاط فى نشاط وتولع بعد كدة من كتر النشاط
يعنى النشاط بيولع فى ميادين وفى مجالس وزراء وحدائق وشوارع ومحلات وبيوت وعربيات ناس غلبانة ملهاش ذنب وكلة بسبب (النشاط) (كان فين النشاط دة ايام الرئيس السابق)
والحلو فى الموضوع (الحقوقيين) شغالين بالكاميرات والاب توب والموبايلات وصور وانشر وافضح وابعت وحمل وقنوات بتبث وميكريفونات لاسلكية شغالة بتنقل اخبار وكاميرات فيديو بتصور وتذيع وتولع وتشعلل وتهيج الدنيا وتورى العالم كلة الفضايح

والدنيا هايصة كلة هايص فى الهيصة (حقوقى مع ناشط مع بلطجى مع مأجور مع مسترزق مع جاسوس مع طائفى مع شيعى مع بهائى مع مجهول هوية مع مسلم ومش مسلم ومصرى ومش مصرى و أخ وعامل أخ ومش صديق وعامل صديق بيضرب من تحت لتحت وبيولع من تحت لتحت مدسوس ولا بيسترزق ولا غاوى فساد ولا غاوى فتنة ولا محترف بالفلوس والمخد ات ملوش ملة ولا شكل ولا جنسية ولا ديانة ولا مبداء)

حرام كفاية نشاط كفاية نشاط
خلو النشاط للصناعة والزراعة والأنتاج والتكنولوجيا والعلم والمذاكرة
كلة دلوقتى بقى ناشط وبقى حقوقى

الرجاء من الأخوة النشطاء والحقوقيين كفاية نشاط وكفاية حقوقية
اللى عايز ينشط ينشط فى عملة ومذاكرتة وفى بيتة وفى مدينتة وفى حية الل عايش فية
الناشط دة لة امة قالت لة روح هات لنا 5 ترغفة عيش هيقولها مش قادر تعبان روحى انتى

وشكرا
وآسف على الأطالة