[خالد الإسكندرانى]

المشاركة الأصلية كتبت بواسطة sherihan والله انا زى حضرتك بالضبط عاوزة عربيه اوتوماتيك (لانها مريحة اكتر) لاتزيد عن 90 الف بس انا محتاره بين انواع تانيه خالص 1- بروتون ساجا 2- كيا بيكانتو 3- بروتون جين 2 4- رينو سكالا وكلهم موديلات 2012 انا هجاوبك على الموتور اعتقد انهم زى بعض بس كل ما زاد السعه زاد استهلاك البنزين بس معظم الناس بتفضل 1600 هوا رقم متوسط وبيعتمد على نوع العربيه فى استهلاك البنزين وربنا يهديك ويهدينا لاختيار الانسب

السلام عليكم

بالنسبة للموديلات اللى حضرتك قولتيها .. أنا بروتونمعرفش عنها غير انها روسى وفى كتير قالولى ابعد عن العربيات الروسى وكمان عربية مش بياعة يعنى زى ماحضرتك عارفة ان كام كل سنة كدة الواحد بيحب يغير العربية .. وبروتون سوقها مش ماشى قد كدة

بالنسبة لرينو اسكالا انا بفكر فيها برضو بس معنديش عنها معلومات كتير

كيا بيكانتو صغيرة شوية .. لكن عموماً كيا كل اصحابى اللى جربوها قالولى عنها انها ورق يعنى مبتستحملش خبطة "بعد الشر يعنى"


وبالنسبة لحكاية الموديل فالشركات صراحة بتبالغ أوى ف فرق السعر بالنسبة للامكانيات .. بمعنى ان الشركة بتضطر تغلى السعر عشان ميبقاش كأنها بتعترف بفشل المنتج .

أنا كنت بفكر فى الانترا 2012 وعرفت ان الاوتوماتيك بتاعها عامل 120 ألف فمستنى تنزل شوية وأنصح حضرتك برضو تفكرى ف هيونداى النترا وهيا كورى برضو زى كيا

وشكراً جزيلاً على الرد
وبالتوفيق ان شاء الله
ويارب نلاقى العربيات اللى تناسبنا يعنى