المشاركة الأصلية كتبت بواسطة metwlly
بسم الله الرحمن الرحيم
العربية سوزكى فان
العربية لو مشية 60 50 مافيش اى مشكلة بتبقى ثلاجة
انما لوزادد عن السرعة دية يعنى 80 100 امبير الحرارة بيعدى النصف والعربية تسخن جامد
هيا دى مشكلتى
|
jrvdfh jwldl hgl,j,v ;]m
تقريبا تصميمها كدة
تمشى بسرعة 80 بيكون افضل حالات العربية
بس بعد ال80 بتبقى حمل على الموتور و تلاحظ ان صوت الموتور بيعلى اوى و بتبدأ تسخن
و علشان كدة تسايسها و تحاول ما تجيبش بيها ال100 كثير علشان ما تتقلبش منك لانها خفيفة و عالية
و لو عدى جنبها اتوبيس سياحة بسرعة بتترج جامد
و علشان كدة فيه ناس كثير بتغيير الكاوتش بتاعها و بتركب جنوط عريضه و كاوتش عريض علشان العربية توطى سنة صغيرة و كمان تبقى باركة شوية على الارض علشان يقدروا يجروا بيها شوية
و ده حل ما اعتقدش انه سليم
فيه حركة كمان ممكن تعملها لما تلاقيها سخنت اوى تحاول ترفع رجلك من على البنزين خالص
و ممكن كمان تمور العربية و تسيبها ثوانى تمشى لوحدها هتلاقيها رجعت تبرد تانى
و الحركة دى توصلت ليها انها بتساعد فى تقليب مياه الريداتير
فمثلا لو عربية ملاكى و فتح غطاء الريداتير و داس بنزين المياه بتقلب عادى و ممكن كمان تزود المياه و هو دايس بنزين بس لو شال رجله من على البنزين خالص فجأه بتلاقى رد فعل رهيب باندفاع شلال مياه من الريداتير عن طريق فتحة الغطاء مما يعنى اننى ممكن استفاد من هدا الاندفاع فى تبريد موتور العربية لما تسخن العربية
حاجة اخيرة شيك على مسامير وش السلندر ممكن تكون مهوية شوية و عاوزة تتربط كويس
هدا و الله اعلم