[misoalex]

المشاركة الأصلية كتبت بواسطة Sherivanov السلام عليكم .. إزيّك يا ميزو .. بص يا باشا .. عندك .. 1- مركز الطارق النيل لصيانة السيارات ( فيات - لانشيا - ألفا روميو- كيا - سبيرانزا - هايما ) و كذا حاجة في الخلّاط كده و ده عنوانه 7 ش الباب الأخضر .. و في ناس بتسمّيه القبّاري .. بس أنا أعرف إنه شارع الباب الأخضر .. لو عايز وصفة أحسن .. حقولّك .. طبعاً عارف المنشيّة .. كونّة بتاع الجبنة .. الشارع بتاعه الأوتوبيس بيدخل منّه علشان يروح العجمة ( السكة القديمة ) .. إمتداد الشارع ده بعد ظهور التِرام فيه اسمه شارع الباب الأخضر .. حتلاقي التوكيل على اليمين .. و إنت ماشي في الشارِع إسأل .. تمام 2- أحمد لانشيا .. كتير من الناس تعرفه و ناس بردو ما تعرفهوش .. بس هوة مُحترم جداً و شُغله نضيف جدا جدا .. بس مشكلته إني غالي حبّتين .. بس تتعامل معاه مرة متغيّروش عنوانه .. عارف نادي الصيد ؟؟ .. ادخل الشارع بتاع نادي الصيد و اسأل على أحمد لانشيا .. هوة موجود أمام نادي الصيد .. الشارع اللي هوة الجانب التاني من شارع نادي أكاسيا على الترعة و الباقي بقى .. بقيت الأعضاء تكرّموا و قالوا معلوماتهم عن الناس اللي يعرفوهم .. و إن شاء الله موفّق و لو عندك مشكلة أو حاجة في العربية و تحبّ تسأل أنا تحت أمرك

الطارق ده اللى قصدك عليه ده توكيبل الصيانه بتاع الطارق بتاع السيارات انا كانت فاكر قصدك واحد تانى اسمه الطارق
ده ناس جربته وبتقول اسعاره عاليه شويه وفيه ضريبه مبيعات وكلام من ده فده خليه للحاجات الكبيره

ايوه احمد لانشيا ده سمعت عنه كذا مره بس انت كده طمنتنى من ناحيته لانى كنت خايف يطلع مش اد كده

بس شكلك جربته او اتعاملت معاه صح ؟؟

و وشكرا ليك جدا جدا جدا الف شكر

بالمناسبه انت معاك عربيه فيات ؟؟