المشاركة الأصلية كتبت بواسطة فادى
الموضوع ده يتكرر فى عدة اماكن مثل دودة الكمبيوتر,
و للأسف فيه الكثير من المغالطات و المبالغات و هو غير صحيح تماما,
كما أن كاتبه من الواضح أنه يفتقد للمصداقية و الحس الوطنى.
فى النهاية تحية للشاهين فخر الصناعة المصرية.
انها حقا سيارة الرجال.
|
أخى فادى
الشاهين حقاً
هى كارثة من كوارث الزمن
و بغض النظر عن كل المميزات الى انت بتقولها
فهى مافيهاش أى ميزة
سوى انها حتة حديدة ماشية
بتخبط بيها فى أى حد شايف نفسة
و بصراحة هى قليلة الاعطال على الطريق فعلا
لأنة ليس هناك ما يدعوا للتوقف
يعنى من الاخر مافيش أى الكترونى او كومبيوتر او حساس لا سمح اللة فى العربية
حتى التكيف بتاعها ( زينة) اذا اردت تشغيلة
فأنت تتنازل عن 1500 cc من أصل 1400
يعنى أنزل زق احسن
أما الكارثة الحقيقية فعلا كما يقولوا الاخوة الاعضاء
هى (الكورونة)
فلك أن تتخيل
فادى
انى قد صرفت قرابة ال 3000 جنية فى أصلاحها كى أخفى الونة الى فيها
و شحتطة يمين و شمال
و مازال الصوت كما هو حتى يومنا هذا
كل الى أقدر أقولة
انها عربية مصنوعة على أيدى هواة
و أخيراً أخى
الشاهين ليست صناعة مصرية
بل تقفيل مصرى فى شركة النصرعلى غرار نيسان صنى
و كل ما فى الامر ان الشاهين تأتى أكثر تفكيكاً عن أى سيارة أخرى يتم تجميعها هنا
لذا أطلقنا عليها صناعة مصرية
............
الحقيقة لو فضلت أعدلك المصايب
مش هنخلص