المشاركة الأصلية كتبت بواسطة beeronasr
ربنا يباركلك فيها ان شاء اللة - أنا شايف ان الداستر مميزة و فيها الامكانيات التالية ازيد من اللانسر:
1- الزجاج العازل للحرارة
2- الزجاج المظلل بالابواب الخلفية و الخلف.
3- مصابيح ضباب أمامية
4- مساحة للزجاج الخلفي
5- كمبيوتر رحلات لعرض معلومات القيادة )متوسط استهلاك وقود ، المسافة المتبقية ...ألخ
6- مخارج هواء للمقاعد الخلفية أسفل المقاعد الأمامية
7-نظام ايموبيليزر للحماية ضد السطو و السرقة
8- تصفيح حديدي أسفل السيارة و عتب جانبى
9- 4x4 و امكانية القيادة بثلاث وضعيات مختلفة
10- حجم اوسع للعلئلة مع ارتفاع اكثر عن الارض
11- التحكم بالصوت من عجلة القيادة
12- نظام المكابح المضادة للإنغلاق EBD و BAS مع ABS
كل دى حاجات شايف ان الداستر أميز من اللانسر فيها لكن تميز اللانسر بالنسبة لى فى الاتوماتيك و شياكة الصالون فقط و دى حاجتين يمكن التغاضى عنهم بسهولة نظير اقتناء عربية زى الداستر و لا حضرتك تقصد امكانيات تانية اية فى اللانسر حتفرق معايا لعدم وجودها فى الداستر؟
و متشكر طبعا لوقت حضرتك.
|
مساء الخير علي حضرتك , انا اقصد حضرتك ان مفيش مثلا :
- وحدة رفع زجاج من الريموت .
- مفاتيح زراير الزجاج في التابلوة و مفيش وحدة تحكم بجانب السائق
- مفاتيح الزجاج الخلفي مش في الابواب و موجودة في منتصف السيارة .
- الابواب مبتقفلش اوتوماتيكي بعد سرعة معينة .
- مفيش مخدع في النصوده مستفز جدا .
- مفيش لمبة للصالون في منتصف العربية ( في قدام و الشنطة بس) .
- الصالون بشكل عام نفس صالون اللوجان .
- غطاء التانك مفتوح علي طول بس هو ليه قفل داخلي زي 128 .
- الكلاكس زي معظم العربيات الفرنساوي في دراع الكشافات.
بغض النظر عن الحاجات دي هي طبعا عربية ممتازة و ممكن اضيف علي مميزات العربية انها 6 نقلات وده بيدي للموتور راحة كبيرة .
واي سؤال انا في انتظار سيادتك