المشاركة الأصلية كتبت بواسطة Ziad_fawzi
ألف شكر يا جماعة على النصايح الجامده دي
بس يا ريت لو في حد عنده اراء تانيه يفيدنا
جزاكم الله خيرا
|
السلام عليكم
رعشه الطنابير عند الفرمله ليها مسببات وحلول
العيب ممكن يكون
1) الطنابير ممكن يكون فيها ريجا عاليه - السبب تيل سئ(حلها مسحه عند الخراط ب 5 جنيه) وتصنفر التيل أكنه حته خشبه بس تحرك ايديك عشوائى على التيل
2) الطنابير تكون معوجعه (السبب مطب عفى والجنط رد لجوه أو تكون سايق والجو حر والطنابير مولعه ويجى السايس يكوب جردل ميه على الطنابير فالطنبور يقفع) الحل تغير الطنابير والتيل طبعا
3) وديه المشكله ألي عندك وهى أنك أخدت مطب جامد عوج الصره وديه بتحتاج ميكانيكى صايع علشان يكتشفها
العوجه بتكون من 2 الي 6 ميلى بالكتير وحلها سمكري محترم بيشتغل بميزان مش بعينه
طب أزاى تكتشف العيب
أنت طبعا جايب طنبير جديده
حل الجنط (واحد بس) ودور العربيه و هات الأول (الطنبور حيلف سلنصيه)
هات جردل أو أي شيء في مستوى منتصف الطنبور بس يكون مستوي من فوق
هات حته خشبه مستويه أو مفك عاده و سبته بيدك علي الجردل (وش الخشبه أمام الطنبور ألي بيلف)
أبدا أطلع بالخشبه ملى ملى ناحيه الطنبور
لو الطنبور لمس الخشبه فى حته أيوه وحتا لأ (العيب من الصره)
ملاحظه عوجه الصره ممكن تحسب مقدارها علي الجردل