رد: كلام فى لادا نيفا
المشاركة الأصلية كتبت بواسطة maxbaadn
ممكن اعرف من حضراتكم نقاط رفع اداء لادا نيفا وايه الاجزاء اللى ممكن اغيرها فيها او ضرورى تتغير فيها.. وايه الاضافات...اشكركم
|
رفع اداء الادا ممكن يكون عن طريق ريفريش للمحرك وممكن نعمل الاتى
تغيير ابلاتين وكوندنيسر وطقم بوجيهات واسلاك بوجيهات مع فك الاسبراتير وعمل صيانة كاملة لية من نضافة وتشحيم وصنفرة الشاكوش وصنفرة وش الاسبراتير وعلى فكرة تمنة كولة جديد روسي بـ 140 جنية بالوش والشاكوش حاجة محترمة وهاتنطق الشرارة
تانى حاجة ممكن نغير بوبينة الاشعال بواحدة الكترونى 20 الف فولت وبكدة يبقى خلصنا من بند الكهرباء
ندخل بقى على الكربراتير ممكن نفكة ونعملة نضافة كاملة مع تغيير البكات لو ملعوب فيها والديفولت بتعها 120 و 150
ممكن نغير زيت بنوع جيد مثل شل هيلكس اكس اتش 3 مع اضافة علبة زيت abroo الاداء بيختلف تماما
لو عاوز تظبط الدنيا كلها ممكن تفك غطا التاكيهات ونظبط التاكيهات بالنسب المقررة لفصل الشتاء ومراجعة تزامن عامود الكامة عشان الموتور يبقى مظبوط اوى
بالمرة واحنا فكين غطا التاكيهات ممكن نشد او نظبط بلف الكاتينة شوية عشان صوت الموتور يتظبط
عمل تشك على زيت الفتيس وزيت الكارونا
كل الامور دى لو تمت بنجاح الاداء هايفرق كتير
ربنا يكرمك ولو جبت حاجة عاوزين نباركلك ونشاركك فرحتك
__________________
يااااااااااااا رب
إرحمنا بقدرتك علينا
|