رد: حكايتى مع السيارات فى العراق !
قبل اليوم الموعود للسفر بيومين ! أحضرت الشركه طبيب آخر مصرى لكى يقضى معى يومين قبل
سفرى لآعرفه كيفية الشغل والتعامل حسب الآوضاع و أصول العمل بالشركه و استخدام الاوراق
و كيفية طلب الدواء الخ...الخ... والحاجه الغريبه انى ماشى بمزاجى لذلك ماكنتش زعلان منه ولا شايل منه و
حاولت بحب و أمانه أنقل له خبرتى ! و لكن يا للعجب وجدته متعالى و بيكلمنى من طرف مناخيره و موش عاوز
يسمع حاجه ! ptmnlo123per111 و أول لما دخلنا العياده مع بعض لقيته جرى و قعد على المكتب
كأنه السلطان قراقوش ! ptmnlo123per195 سبحان الله ! احنا المصريين كده وعلشان كده غير ناجحين بالخارج !
يعنى حالات النجاح فرديه ! لكن لا يمكن نعرف نشتغل كفريق أبدآ ! يعنى دايمآ تلاقى نزعة الفوقيه و الدونيه
ظاهره بشده بيننا و عكسها تمامآ بين كل أجناس الآرض ! تذكروا الفراعنه لما كان ييجى فرعون ملك جديد
كان يمسح الكلام اللى على المسلات التى تم انشائها فى عهد اللى قبله ! بل أكثر من ذلك ينسب فتوحات
اللى قبله اليه رغم انها ممكن تكون حدثت و هوه فى اللفه ! المهم تركت الموقع غير آسفآ ووصلونى البرازيليين
بصراحه الى المطار بالاسعاف الفولكس ! و ركبت الطائره الى الآردن و منها الى مصر ! حيث ظللت طول الطريق
أحمد الله انى رجعت سليم بدون خدش أو اصابه و للمره الثانيه أبكى عند رؤيتى للقاهره من الجو ! ptmnlo123per144
و الى هنا انتهت قصتى فى العراق ! لتبدأ قصص أخرى ! و خلصت من هذه الفتره فى حياتى بكثير
من العبر أهمها : ان الانسان مسير فى خطوات حياته و فى رزقه و عمله و اللقمه اللى بياكلها ح ياكلها
فين ؟ و فى نفس الوقت هو مخير يعمل الخير أو الشر ! وان من توكل على الله و تواضع لله رفعه !
و أكيد ان مع العسر يسرآ وقد أكدها الله سبحانه و تعالى فى كتابه الكريم تأكيدا بتكرارها فى جملة واحده !
و برده رأيت ناس ماتت وماتدرى نفس ماذا تكسب غدآ وماتدرى نفس بأى أرض تموت ! و أن الحياه و ان طالت
قصيره ! و الحياه محطات ! و درجات و يوم فى العالى و يوم فى الواطى ! وأن الانسان ممكن ينحنى قليلا
و لكن لا يترك نفسه لينكسر ! و لا للاهانه ! و نعم للثبات على المبدأ ! ولا للميرى و التمرغ فى ترابه !
وأى عمل شريف أفضل من الفقر و العنطزه ! و جميل جدآ أن تعرف شيئآ من كل شىء ! ptmnlo123per1147
و الكثير و الكثير ما لا أذكره الآن و أترك لكم العنان لتتفكروا فى هذه العلامات و ممكن أن تستخرجوا من
العبر من هذه القصه ما فاتنى أن أذكره ! و طبعآ أحب أن أعترف بأنى لم أذكر كل شىء ! ليس لآسباب
أخجل منها و لكن ربما لعدم أهميتها أو حتى لا أثقل عليكم !
أخيرآ - السلام عليكم و رحمة الله و بركاته و أرجوا ان كنت ضايقت أحدكم أن يسامحنى و نتقابل بعد
فتره فى ذكريات أخرى و لكن بعد أن يحكى بعض الآعضاء مثل الآستاذ جنيدى من هولندا بعض حكاياته
عن السيارات فى أوروبــــا ! ptmnlo123per154 ptmnlo123per154 ptmnlo123per154
د/ عبدالسلام عبدالله موافى ptmnlo123per1127
Dr. Bolbolan
|