شباب المنتدى الكرام محتاج مشورتكم ضرورى لان الفرامل عندى سيئه جدا جدا وهى لانوس موديل 2000 والمشكله دى بقالها فترة ومن ساعتها وانا رايح جاى على الميكانيكية وبتوع الفرامل وطبعا نحلوا وبرى ومن اول تغير طقم اصلاح للماستر الفرامل لتغير التيل اكتر من 3 مرات فى خلال سنه تقريبا وبعدين غيرت الماستر كله بواحد جديد وكان فى خرطوم زيت واصل من علبة الباكم لاحدى العجلات وكان بايظ فغيرته وغيرت الطنابير ومفيش فايدة الفرامل اول ما بتترجلش بتقعد يومين زى الفل وبعدين حتى لو وقفت عليها العربية بتهدى بس مش بتقف ودلوقتى ملاحظ حاجة غريبة لما باجى ادوس فرامل طبعا وكانها مش موجودة ولكن لو دوست فرامل فجائية وبعنف على الدواسة وبعدين جيت لمست الدواسة تانى بحس ان الفرامل بقيت حساسة وجميلة ولفترة محدودة ولو عاوزها ترجع حساسه تانى لازم ادوس دوسة فجائية وعنيفة وهكذا وانا مش عارف اعمل ايه بالله عليكم افيدونى.
