المشاركة الأصلية كتبت بواسطة johnny161094
احب اشكر حضرتك الاول
ثانيا الحكومة اكيد لما ادتهم الارض خدت تمنها لان الكنائس لا تبني في مصر من خلال ضرائب الشعب و اكيد برضو لو كانت خدت ارض تانية فخدتها و هي دفعت تمنها و موضوع انها بنت فاكيد لازم يبقي في تصاريح و لو مفيش تصاريح من حق اي حد يرفع قضية و يكسبها مدام البناء مخالف للقانون و موضوع ان المباني بارتفاع لو في تصريح للبناء فاكيد يبقي مفهاش مشكله
ثالثا من حق كل المواطنيين يمارسون شعائرهم الدينية فا لو حضرتك شايف ان الجوامع في منطقة دي صغيرة مش ممكن تجمع امضائات من الناس و تقدموا بيه طلب بناء مسجد او جامع للقيام بالصلوات من وزارة الاوقاف علي ما اعتقد و من حق الجامع لو شايف ان في خدمات عاوز يقدمها للمواطنيين في المكان دة لقله الخدمات بناء دار مناسبات و عيادات خاصة كمان لو في حاجة لكده و تقدم الخدمات للمواطنيين في المنطقة لان حضرتك مطالب من الحكومة علي الضرائب الي حضرتك بتتدفعها انك تمارس حققك في الصلاه و تجد الاماكن الكافيه لممارسة شعائرك الدينية اما الاقباط فمطالبين من الكنيسة لان هم بيدو العشور الي الكنيسة و بيدفعوا تبرعات لبناء اماكن لهم و هو نفس الحال للمسلمين حضرتك بتدفع ضرائب ذي كل المصريين و بتدفع الذكاه عشان تتلقي الخدمات الي حضرتك في حاجة لها و اسف جدا علي الاطالة و اشكر حضرتك علي سعه صدرك
|
للاسف يا جونى الواقع مش كده
انا بكلمك عن مناطق مكتظة سكنياً مش عن الصحراء الغربية
الدولة اولاً بتدى الارض على مزاجها مش وبتدى التراخيص بمزاجها ممكن تبيع ارض زى مدينتى المتر بربع جنية وممكن هى هى تبيعها بعشر الاف جنية
وممكن تديك الارض بس متديكش الترخيص فالموضوع مش زى مانت فاكر خالص
ثانياً زى ما قولتلك الاوقاف بقى حكومة وانا بحكم عملى كاستشارى نظم شاركت فى تطوير وزارة الاوقاف فى مشروع الحكومة الالكترونية وتطبيقاتها وشوفت قد ايه البيروقراطية والتسيب والاهمال والفساد الحكومى متغلغل فى الوزارة زيها زى باقى الوزرات والهيئات الحكومية
وفى الواقع اهالى الحى اقامو جمعية اهلية لجمع تبرعات لبناء مسجد كبير واتسمت فعلاً جمعية المسجد الكبير وتقدر حضرتك تعدى قدام محطة مترو عزبة النخل تشوف الجامع وهو لسه فى طور استكمال الاساسات (بقالنا ست سنين) بينما كلتا الكنيستين والتوسعات التى اقيمت بهما فى الفترة الاخيرة منتهى تماماً
وبعيداً عن المسجد والكنيسة فى المحصلة نجد ان مساحة مبانى الكنيسة الان ( المبانى الرسمية مش كمان العمارات التابعة بالنفوذ ليها ) تتجاوز ( مساحة محطة المترو + نقطة المطافى + مركز الشباب + المسجد الكبير حتى بعد انشائه + مدرستين ابتدائى + مكتب البريد )
يعنى منطقة خدمات كاملة تتجاوز مساحتها مجموع الخدمات المقدمة لاجمالى السكان !!!
ورغم كل ده والحمد لله علاقات المسيحين والمسلمين ممتازة دائما لكن ايه اللى يضمن ان فى زمن الفتن اللى احنا عايشينة ده ميطلعش كام واحد يسخنوالناس على هدم الابنية المقامة حديثا بشكل مخالف بعد الثورة ؟
وهى طبعا ابنية مخالفة لان المحليات كلها معطة فى الفترة اللى فاتت طلعو تراخيص واتابع الشغل واتبنى واتسلم واتوافق عليه امتى ؟؟
مرة تانية انا بكلمك عن نموذج واحد واقعى والنماذج كثيرة