[vet.mohamed]

المشاركة الأصلية كتبت بواسطة mr_astra السلام عليكم اولا انا تحت امرك وبامر الله كل حاجة محلولة وانا هافجاك بموضوع سخونية العربية اولا مشكلة الكهرباء اولا لازم نجيب بطارية لا تقل عن 70 امبير وطبعا لازم نراجع على كل السلوك وهلبة الفيوزات بالفيوزات ..طبعا انا بتكلم على عربية زميلك لان دة لا يعتبر عيب شائع فى اى عربية وليس فى النيفا حاجة بتعمل قفلة وكل شوية تفصل لازم كهربائى يرجع على الاسلاك ويحط الفيوز المانسب فى المكان المناسب ......يعنى ما ينفعش الانوار مثلا تكون على فيوز 5 امبير كل مكان فيوز مكتوب علية المفروض كام امبير انما احنا بنحط اى فيوز فى اى مكان وخلاص وخصوصا ان الفيوزات مش بيكون مكتوب عليها كام امبير وانما بتتعرف من الالوان وللاسف الكلام دة فى الفيوزات العضم بس انما الفيوزات التانية بيكون مكتوب عليها كام امبير النقطة التانية وهى ان العربية بتسخن فى الصيف وخصوصا فى الاشارات لك ان تتخيل ان مشكلتى واللى كنت يوم الجمعة اللى فاتت هحلها ان العربية عندى مش بتسخن لدرجة التشغيل المثالية تملى العربية باردة ودة بياثر فى السحب واستهلاك البنزين بص كل مشكلة وليها سبب وللتغلب على سخونة العربية بامر الله ممكن نعمل الاتى اولا لازم نشيلترموستات الكوعة اللى بتسمح او لا تسمح بمرور المياة الساخنة الى الردياتير ( انا عارف ان مش دة الصح اوى لكن هانعمل اية ) تانى حاجة تركيب مروحة او ريشة مروحة بلاستيك 6 او 8 ريشة تستمد الحركة بتعتها من سير الدينامو او الكرنك عمل طنبورة المونيوم عند الخراط قطرها اقل من اللى راكب فى الموتور يبقى احنا عملنا دلوقتى حجتين اولا خلينا سرعة سريان المياة من والى الموتور ذادت لان الطنبورة العملوة اللى احنا عملنها خلت طلمبة المياة تلف اكتر من الطبيعى بتعها ...والحاجة التانية ان الريشة او المروحة البلاستيك شغالة من اول لفة للموتور ودة بيخلى العربية من الاساس ما تسخنش ولو الموضوع مستعصى اوى وبرضة فى سخونة ممكن نركب مروحة تبريد كهربائية من النوع ( لطش) 8 ريشة وعادة ما هاتكون بتاعة الشاهين على الردياتير وتستمد اوردر التشغيل بتعها من ترموستات راكب على الردياتير قيمتة 62 : 80 وبكدة اضمنلك ان العربية دى هاتكون تلاجة تقبل مرورى واى سؤال تحت امرك

.......جزاك الله خيرا انا خلاص خدت القرار وهدور على وحدة كويسة ان شاء الله فى نص السنة وربنا يقدم اللى فيه الخير