[sam ram]

المشاركة الأصلية كتبت بواسطة تامر ديزل فيه نقطه مهمه قولتها في كلامك يا استاذ سام وهيا ان فعلا الاصوات هتتفتت بين المنافسين للبرادعي في حين ان انصاره متفقين عليه ودي ممكن تكون في صالحه لو انصاره قدروا في الجوله الاولى من انتخابات الرئاسه يوصلوه لنص الاصوات + 1 في الحالة دي البرادعي يكسب من اول جوله ولكن هل تتوقع انه يقدر ياخد النسبه دي من اول جوله خصوصا انه لو نزل معاه اعاده واحد مدعوم من التيار الاسلامي ؟ النقطه المهمة التانيه انه لازم فعلا من دلوقتي الناس اللي مش عاوزة البرادعي تبدا فيما بينها تتفق على شخصية تترشح قصاده وتتلم عليها الاصوات بدل ما تتفتت ... ودي شكرا ليك على انك نبهتنا ليها

متقلقش ....
الاستفتاء هنا معتمد على عينه غير معبره عن غالبيه الشعب المصري ( باعتبار اننا منتدى سيارات وموقع على الشبكه العنكبوتيه )... يعني لو عملنا استفتاء عن 4 او 5 مرشحين ( جايز ) البرادعي يتفوق في النتيجه
لكن فعليا على ارض الواقع زي ما قال استاذ احمد عبد الرحمن ...
الغالبيه البسيطه متعرفوش
عموم الناس غلابه و بتدور على لقمه العيش و قوت يومها .... او بمعنى اصح الناس البسيطه عايزه واحد بسيط تحس انه منها و حاسس بيها ... لكن الداكتور ابو بدله بتاع الناووي ده اش عرفه بينا و بعيشتنا
يعني توقع النتيجه تكون زي انتخابات مجلس الشعب كده ...

بخصوص النقطه التانيه غريبه منك بصراحه ...
كأنك بتقول للناس اللي مش عايزه البرادعي مش مهم تختارو مين .. المهم تتفقوا على حد غيره !!
هو اللي يهمك ( الاصلح ) .... ولا اي حد غير البرادعي و السلام !!!