[oousaoo]

المشاركة الأصلية كتبت بواسطة myackoo الف شكر يا جماعة و اللهي انا مش عارف اقول ايه لاهتمام الناس و ذوق اخواتي هنا في المنتدى و شكرا علي توضيح موضوع البنزين اما بالنسبة لموضوع المصرية فهما اولا ناس مش محترمين اطلاقا و اقصد فيما يخص باحترام كلمتهم مع العميل بعد ما تتفق و تدفع عربون يغلوا عليك و يقولولك اصل العربيات غليت انا اتخنقت هناك خناقة لرب السماء زي ما بيقولوا ... عشان بعد ما دفعت العربون العربية غليت في السوق تاني يوم و غلوا عليا 250 جنيه طبعا هو مبلغ بسيط بس المبداء نفسه ما ينفعش و تيجي تشتري يقولولك اللون اللي انتا متفق عليه مش موجود و المندوب اللي بيبعتوه يخلص في المرور تحس انه عاوز يشتغلك هناك و يطلع منك فلوس اد كده كمان المبايعة كان رقم المتور فيها غلط فالترخيص اتعطل لحد ما صلحوا الرقم تاني و حاجة كده كلها قرف في قرف انا شفت المعارض المحترمة التانية بتتعامل ازاي و مندوبينهم في المرور اخر احترام و كل وجع القلب ده لا حصل مع اخويا مثلا و كان مشتري عربيته رينو لوجان من معرض اسمة عربيات في المهندسين و كمان ناس اعرفهم اشتروا من حتت تانيه و ما قبليتهمش المشاكل دي مع اني شاري العربية كاش و المفروض ما اتعبش بالطريقة دي ولا يحصل معايا كده علي فكرة هما بيبقا العربيات عندهم في المخزن و مدفوع تمنها بس بيغلوا علي الناس طمع كده و خلاص المهم حسبنا الله و نعم الوكيل فيهم و انا اسف جداااااااااااا للاطاله عليكم واشكر كل واحد اهتم و رد عليا او حتي مردش و ربنا يوفق لل فيه الخير

فعلا كلامك مظبوط
من حوالي شهرين دفعت عربون عربية كارينز واتفقت علي اللون وقالي موجودة في المخزن وكله تمام جيت استلم تاني يوم واخلص بصيت يقولي اصل في واحد اخد العربية واللون خلص وممكن تاخد واحدة لون تاني رحت متخانق معاهم وقلتلهم عايز فلوسي وفعلا خدت فلوسي ومشيت لقيت مدير الفرع بيكلمني وبيقولي متزعلش تعال احنا دبرنالك اللون اللي انت عايزه قلتله شكرا انتو ناس مابتحترموش العميل وانا هاشتريها من بره حتي لواغلي المهم تكون ناس بتحترم كلمتها