تربية ابنائنا على الكتاب و السنة مع مستجدات العصر
السلام عليكم و رحمة الله و بركاته
ايه رأيكم يا جماعة احقاقا للحق و استكمالا لمثلث أضلاع الاسرة
نتناقش سويا فى طرق تربية أولادنا و مشاكل التربية التى نواجهها
كما تناقشنا من قبل فى قضايا الزوج و التوصيات للبنات و الزوجات فى موضوع ( كيف تكسبين رضاء ربك بكسب مودة زوجك )
ثم شكاوى الزوجات و مشاكلهن و مناقشة رسائل اخوانى و ابنائى الاعضاء فى ( عفوا ايها الازواج رفقا بالقوارير )
و ربنا يقدرنا جميعا على تربية اولادنا فى هذا العصر المحفوف بالمخاطر و الملهيات و المفسدات التى تحوم حول ابنائنا و ربنا يسترها
و ربنا يهدى اولادنا جميعا يا رب
هبدأ انا و اقولكم نفسى اعلم اولادى كويس و بصراحة لا اخفى عليكم من حبى لدراستى فى كليه الهندسة لدرجة انى كان نفسى اقضى فى كل قسم من اقسام هندسة 5 سنوات منفصلة
يعنى خلصت ( اتصالات و الكترونيات ) كان نفسى ادرس هندس طبية ثم هندسة طيران ثم هندسة نووية ثم هندسة الميكاترونيك وما فيش مانع عمارة و مدنى وبترول فى الآخر
و لذلك نفسى أولادى يدخلوا كلية هندسة و ده اكيد انانية منى لان المفروض لهم رغباتهم... ... ........بس الغريب انى مش شايفة لهم رغبة لكلية بعينها او رغبة فى تفوق اصلا و دى حاجة مزعلانى قوى كل ما يشغلهم العاب الكمبيوتر و بس
امتى هيكون لهم طموح دول خلاص فى ثانوية عامة السنة دى
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|