معلش اتاخرت شوية في الرد عليك بص بقي يا سيدي
اولا الف مبروك اللوجان ربنا يملهالك بركة
ثانيا صيانات اللوجان كل 5000 كيلو وبتبقي واحدة مجانية بدون اي مصاريف واللي بعدها بفلوس - يعني اول 5000 مجانا وبعدين ال 10000 بفلوس وبعدين 15000 مجانا وبعدين ال 20000 بفلوس وهكذا
الذيت بيتغير كل 10000 كيلو مش قبل كده وخلي بالك ان انت المفروض انك تعمل ال 5000 كل تلات شهور او اقل يعني لو عملت ال 5000 الاولي في اكتر من 3 شهور يبقي لازم تروح التوكيل تعمل اول صيانة بعد اول 3 شهور وتنسي موضوع الكيلوات لكن لو عملتهم في اقل من 3 شهور يبقي معندكش مشكلة تروح بعد ما تعمل 5000 كيلو
للاسف مش كل العلامات اللي عندك في لوحة العدادات حتلاقيها شغالة لان اللوحة دي بتنزل لكتيرمن موديلات الرينو زي اللوجان والسانديرو الساندير الاستيبواي والداستر فمن الطبيعي ان يبقي فيها حاجات زيادة عشان تتوائم مع الانواع دي كلها بس اللي مش شغال مايقلقش عشان اكيد ملوش فايدة عندنا
اخيرا انا معاك وتحت امرك في اي استفسار عن اللوجي
