[ehabnbd]

المشاركة الأصلية كتبت بواسطة shur3000 شوية اسئلة من مبتدئ وارجو الافادى العربية لانوس 2005 المهم انا اول لما بطلع بالعربية ادى الاول واشيل سنة سنة من الدربرياج لحد وا العربية تتحرك وبعدين اشيل دربرياج خالص وادى بنزين وبعديا ادى التانى. دة غلط ( لانى سمعت ان لازم اوازن يعنى اد ما شيل دبرياج المفروض ادى بنزين ولا اللى انا بعملة صح) الثانى: على المطالع انا باخدها على الثانى فى الغالب بلاقى العربية بطلت بفضل دايس فرامل وادى اولانى واشيل دبرياج وفرامل والحق ببنزين ) وانا عرفت انى المفروض اخد المطلع على الاولانى. الثالث فى دورانات الطرق انا با خدها على الثانى وفى الغالب بعدى منها بس ساعات بتقف منى كدة المفروض اخدها على الاولانى ولا بلاش. المطبات اخدها على الثانى ولا الاولانى ارجو الافاددة

موازنة رجلك مع الدبرياج : تتوقف على ضبط العربية لو عالية ولا لا ؟ وعموما انت هتعرفها لما تلاقى العربية عاوزة تبطل منك تبقي كدة عاوزاك تزود حبة بنزين

وفى عربيات بتبقي عالية ممكن تتحرك وانت مش دايس بنزين اصلا- سلانسية ع الاول- وسايب دبرياج خالص

المطالع والدورانات والمشي العادى وبصفة عامة فى اى موقف واى وقت
ازاى اعرف الغيار المناسب

شوف لو العربية صوتها على والموتور بداء يعلى معاك (يجعر) فحضرتك ماشي على غيار اقل من المطلوب والمفروض تزود غيار

لو العربية (سقفت) معاك وانت بتسيب دبرياج يبقى حضرتك مدى غيار اعلى من المناسب والمفروض تنزل فى الغيار بتاعك

الاول : يحرك العربية وتقريبا لغاية سرعة 20 كم فى اغلب السيارات ،
وممكن تكون العربية سخنة وتمشي على التاني سلانسية على سرعه 15 عادى .....وهكذا انت المفروض تحس بعربيتك عاوزة الغيار الكام.... وكل عربية غير التانية

ضرورى جدا تريح العربية على الغيار
فى المطالع لو السكة ماشية متفضلش على الاول غلط انت كدا ممكن تحرق الديسك لاقدر الله
لو ماشي وساحب ادى التانى عادى جدا والتالت كمان بس الفرق فى المطلع انك هتدى الغيار متأخر شوية عن ميعادة.
(( يا ترى تعرف توقف فى مطلع كوبرى وتمشي من غير العربية مترجع لوراء منك سواء باستخدام فرامل اليد او بدونها ولا لا ؟ ))

المطبات : حسب المطب وسرعتك لو المطب عادى كدا حلو وابن ناس ممكن تاخدة على التاني
لو زحمة او المطب عبارة عن مانع اسفلتى او خرسانى طبعا هتعدية على الاول


وتحت امرك ، وربنا يوفقك