[Eng/salwa]

المشاركة الأصلية كتبت بواسطة mr_astra السلام عليكم واعزكم الله ابنى كل يوم يعملى مشكلة لانة عاوز يجيب كلب ويربية وبصراحة انا معنديش اى خبرة فى تربية الكلاب نهائي والمشكلة انى خايف من النجاسة رقم واحد ورقم اتنين ما فيش مكان انى اربية فية الحكاية كلها انى ساكن فى شقة والشقة اللى ادامى بتعتى والمسافة بنهم حوالى 3 متر بعرض متر ونص وانا فى الدور الرابع والدور الخامس والوحيد اللى فوق منى شقة بتاعة امى والشقة التانية بتاعة جار عزيز علية ....السطوح صعب جدا لانة معمول بسلم بحارى ومقفول بقفل ثم ان السطوح مفهوش سور انا بوصف بالظبط عشان لو حد عندة اقتراح اعملة عشة مثلا فين يقولى وبعدين فى حاجة تانية مؤلمة جدا هى ازاى الكلب هايعمل حمام ...ابنى بيقولى هاجيب رمل وانا هانضفلة المكان والشعارات اللى انتو عرفنها دى ومصمم عليها لو لقيت حل للعشة بتعتة انا عارف اماكن بعهم واعتقد انة سوق الجمعة فى الامام بس ممكن اعرف نوع كويس وسعرة كام بس مش عاوز حاجة غالية لانى معرفش هاخلية مستمر ولا هامشية على حسب الظروف وبعدين شكل العشة ممكن يكون عامل ازاى وهل تتصنع من الخشب بدون اى تغليف داخلى عشان الجو برد جدا عندنا ولا اية بالظبط ارجو من لدية الخبرة ما يبخلش فى الرد

نصيحة لوجه الله بلاش موضوع الكلب ده خالص
انا مريت بنفس التجربة مع اولادى و شبطوا فى شراء كل واحد كلب صغير وشوفت المر الوان
اولا : برغم وجود حديقة كبيرة للفيلا خلفية و امامية المنظر اصبح بشع
طبعا قلت ممنوع دخول الكلبين للداخل باى حال
قرفونى من رائحة سلق الاكل الخاص بهم من الفراخ و اللحم الخاص اللى اصبح له ميزانية واوانى خاصة و ما ادراك بالوعود التى نأخذها للعناية و النظافة و غيرة و لا تنفذ
الجنينة اصبح منظرها زبالة و الزرع و الورد و مسك الليل انتهى و اصبحت لا اشم غير رائحة كلاب برغم ان الجناينى متفقين معاه للعناية بالجنينة مرة كل اسبوع و لكن هيهات ينزلوا يلعبوا و يحموهم بالخرطوم و يطلعوا منظرهم زى الزفت و طول اليوم ما فيش حاجة تشغلهم غير اطعام الكلاب اللى حول حياتنا الى قرف و هرجلة واعصابى تعبت من القرف
ثم نأتى الى موضوع تطعيم الكلاب علشان مش عارفة ايه
احكى ايه و لا ايه دول كانو عمالين يزغطوهم كانهم هيدبحوهم فى العيد ............ده كان اسهل و انظف خروف فعلا للعيد اللى مش بنرضى نشتريه بدرى علشان البهدلة و النظافة و بنتركه عند الجزار

وفى النهايه لم نرتاح الا بعد اقناعهم و بكاؤهم و الالحاح علينا بكيت انا و قلت ارحمونى انا هموت من القرف و اصبحت مش عاوزة آآآآآكل لحوم و لا فراخ خااااااااااااالص:10F925~1 65:

و اشترينا لهم حوض اسماك ملونه و قفص عصافير كناريا جميلة
اتسلوا بيهم برضة شوية و زهقوا و زهقونى ايضا فى التنضيف و الاكل و خلافة

و لكل مرحلة عمرية مع الاولاد طلباتها و رغباتهم و ربنا يهدى الجميع
كل شويه يشبطوا فى حاجة جديدة بلاى اسيشن - كمبيوتر - دراجات - سيارات الى ان يصبحوا رجال باذن الله

هى فترة يشبطوا شويه فى حاجة و بعد شويه تنسوا
اعانكم الله و اعاننا على تربية الجيل المتعب