[sharooo]

المشاركة الأصلية كتبت بواسطة SHERIF MARLBORO انا بصراحة تايه و محتار العمره تبتدى منين اصلى انا اول مره اعمل الموضوع ده و عندى قلة خبرة فى جات معينة يعنى عمرى ماروحت لسمكرى و سروجى ولا عفشجى ولا عمرى روحت لبنوع دوكوا!!!!! فاعندى جهل رهيب فى المواضيع دى و بجمع معلومات لسه هخد حد معايا فى الموضوع اولا بالنسبه للسمكره : انا معنديش خبطاط فى العربية ولا خدوش الحمدلله بس البويه خلاص تعبت الفبريكة و العريبة موديل 90 يعنى عاوز وش نضافة تفتكرو الموضوع ده يخشلوا فى كام ؟؟ بخصوص السروجى : انا عندى العربية من الداخل مهلكة بشكل صعب يعنى الابواب من غير فرش الارضية متبهدلة مفيش سقف ولا شمسات الكراسى حدث ولا حرج التبلوه متبهدل و فيه قطعة محتاج يتكسى جلد !! عندى الابواب الطبل مش بتقفل ولا بتفتح و الباب بيترجرج من مكانه و الكهربائى :عندى المساحات شغالة سرعة واحدة نور واحد فى العربية النور الكبير هو القلاب هو النور الواطى أمبير الحرارة مش شغال كده فاضل العفشجى :جايز علشان العربية نقل انا مش مرتاح لها بس انا عندى العربية واطيه من ادام و لما ببقى شايل تقيل بتخبط من تحت نفسى اعرف ايه اللى بيخبط يعنى لو قولنا 4 مساعدين و كل البيضات تتغير يعملوا كام؟!؟! فا بقى الجزء الخلى بس انا حاسس انى محدش هيقدر يفدنيى هنا فيه!! عاوز اركب طبلية خشب للصندوق انا فى دماغى حاطط مبلغ 4 الاف جنيه للموضوع كده بس مش عارف بقى ده قليل ولا حلو؟؟ خايف اوقف العربية و ابدأ تحتاج فلوس اكتر ساعتها هتبقى مشكلة!!! يارب حد يدينى خلفية عن التكلفة من بعيد يعنى مش محتاج التكلفة بالظبط!و شكرا

السلام عليكم
انا لسه شايف الموضوع دلوقتي
1-ياباشا العربيه نوعها ايه عشان اعرف اقيم
2-هل اتاكدت ان المتور تالف ومحتاج عمره؟
3-الكوتش عامل ايه؟(لانه بيبدا من 1100جنيه..حسب المقاس والماركه والصناعه)
4-الكشافات والاوكروالمرايات...الاكسس ورا الخارجي حالته عامله ايه؟؟
5-الزجاج الكهربا والمرايات الكهربا وكل الاكسسورا الكهرباء شغال ومفاتيحه شغاله وللا لا؟
6-الفتيس مانيوال وللا اتو؟؟وفيه مشاكل وللا لا؟
اكتب وصف كامل وياريت ترفع صور عشان الناس تقيم المصاريف بالضبط