رد: العربية متبرجلة ومش مظبوطة
اولا شكرا لردودكم
ثانيا انا فعلا غيرت البوجيهات , اسلاك البوجيهات , الرداخ , فلتر البنزين
وكمان كشفت على البطارية وشحن الدينامو
ونظفت البوابة بالايبرو
وروحت كمان حطيت العربية على جهاز كشف الاعطال ومفيش اى حاجه
امبارح الميكانيكى بعد ما غير الحاجات دى قعد يظبط فى العربية وقمام سادد خرطوم الراجع بتاع البنزين فالعربية ظبطط شوية وهى واقفة انما فى المشى السحب مفيش خالص وفى الطلعة بتبقى عايزة تطفى وساعات فعلا بتطفى
ثالثا ايه هو صمام الايدل دا وكمان فيه واحد صاحبى كان معاه مازدا بورتجيه وكان فيها مشكلة زى كدا وبيقولى دا حساس اسمه air mass بتاع الهوا واللى شككنى فى كدا ان الكمبيوتر كان بيقول انه حساس الكامه اشارته ضعيفة والمهندس قالى ان دا سببة ان الهوا مش مظبوط بس على كلام المهندس دا قالى مش مشكلة يعنى
معلش انا تقلت عليكم بس انا فعلا فى كابوس لأن العربية كانت معايا ما شاء الله فى النعومة والسحب كانت كأنها على الزيرو ركنتها عادى بعدها بيوم وانا بدور لقيت المشاكل دى والمشكلة الاكبر انى مش لاقيلها حل
|