رد: المساعدة لوجة الله يارجالة
يارجالة الف شكر على المساعدة
لكن انا رحت للأسطى مجدي بتاع بنزينة مصر اللى في الأزاريطة على البحر دة لو حد يعرفه ...دة عفشجي والناس بتشكر فية اوي
المهم طلع جرب العربية وبعد لما رجع حط العربية فوق البير ونزلني تحت وقالي عندك الكوبلن الداخلي اليمين مبوش وفعلاً كان بيتهز لجوة ولبرة لما يمسكه
تاني حاجة والمصيبة قالي الأسكترا عاوزة تتغير لانها بطقطق خلى واحد يهز الدركسيون واحنا من تحت وخلاني احط ايدي على بيض الدركسيون وحسيت وسمعت صوت طك طك جي مع حركة الدركسيون
فبكدة اية رأيكم يارجالة المنتدي انا لبست اسكترا وكوبلن ولا اية؟؟؟
وبالنسبة لإسكترا قالي احشيها وغير الكوبلن كلو هيبقى تمام لان الجنوط عنك مش واخدة رصاص كتير فالى حد ما هي سليمة.
رحت للميكانيكي بتاعي فهمته اللي حصل قلي مش هينفع حشو تجيب واحدة جديدة من التوكيل احسن واضمن قلتلو ماشي يعني رفض يعمل الحشو دة قالي مش هيعيش وهترجع تاني \
انما الكوبلن هنتشريه استعمال عشان الجديد بيتباع حتة واحدة الخارجي والداخلي والاكس كلو حتة واحدة .
فاية رايكم يارجالة اتكل على الله واغير ولا اية ؟ وبالنسبة لسعرالإسكترا تعمل كام؟؟ والكوبلن عشان ميضحكش عليا...الله يكرمكم
|