[AbOnOrA]

المشاركة الأصلية كتبت بواسطة obad-1 ممكن لو تكرمتم عنوان مراكز خدمة السايبا برايد وممكن الاقى فين الفانوس الخلفى ولكم الشكر و العرفان

لو عايز مراكز خدمة عموماً اى مركز خدمة كورى او يابانى يقدر يشتغل فيها
وفيه مراكز اساسية متخصصة فيها زى
عبر البلاد وده كمان توكيل انزار ولف وكانو زمان ايام ما كان التوكيل مع وليد توفيق مركز خدمة معتمد ودول مكانهم فى اخر جسر السويس ورا سوق القنال الدولى

وفيه توكيل الادا والبى واى دى حالياً كان بيدخلها فى فترة وممكن يشتغلو فيها وده مكانة فى شارع الطرابيشى العباسية جمب توكيل تويوتا مباشرة

وفيه كمان ناشيونال موتورز ومراكزهم ممكن تعمل بحث فى المنتدى هتلاقى العناوين للاسف مش حاضر على دماغى حاليا

وغير كل دول اى ميكانيكى متوسط يقدر يعمل فيها اغلب الشغل والصيانات الاساسية فمش كل حاجة بتحتاج مركز متخصص خاصة فى عربيه زى البرايد

وبالنسبة للفانوس
ممكن تجيب الكورى من عند الجندى وده فيه فرع فى شارع دمشق فى روكسى وفيه فرع فى جسر السويس قدام فندق السلام
وفيه نافع اللى فى شارع دمشق بس هتلاقى عندة الصينى وهو شغال مش وحش برضو
وممكن تنزل الحرفيين هتلاقى كذا واحد بيبيعو جديد واستيراد كمان

ولو كل ده بعيد عليك انزل التوفيقية ( ورا سنترال رمسيس ) هتلاقى اكيد ان شاء الله حد شغال فيها عامة حاجتها متوفرة