عندى نفس المشكلة العربية بتأخر فى الدوارة كتير يمكن بعد 10 او 15 محاولة وخصوصا فى الشتاء والصبح بدرى "لكن بعد ما بتدور وتسخن وتبقى تمام تفضل كويسة طول النهار لغاية ما تبات
كشفت على الكربراتير وبتابع نظافتة من وقت للتانى وكذلك غيرت سلك البوجيهات والبوجيهات نفسها والبطارية جديدة جافة 70 امبير وطرمبة البنزين وفلتر البنزين جدا
لكن .... العربية بتفضل مركونة احيانا اسبوع او 3 -4 ايام
عند الدوارة طبعا بكارك عشان احضر بنزين "ومابتدورش غير كده"
صوت المارش عالى لكن مش بتلقط ....
المارش والدينامو مكشوف عليم و تمام
فين وفين بعد محاولات كتير بتلقط بس لازم افضل دايس بنزين او افضل مكارك عشان تلقط للاخر والموتور يدور " وطبعا الميكانيكى يقولى كربراتير - والكبراتيرجى يقولى كهرباء - والكهربائى يقولى بوجيهات وميكانيكى" وكله بيرمى على كله
معلومة اخيرة وصلتنى "من عابر سبيل ماعرفوش لكن لفت نظرة ان العربية ما بتدورش" قالى عايزة ضبط تاكيهات ...!!!!!!
مش عارف بقى الركنة بتعمل فيها كده ولا البرد مع انى بشوف عربيات جيرانى بتدور من اول مرة فى عز التلج
