المشاركة الأصلية كتبت بواسطة ahmed medaa
هوا انا قولت الوجان على اساس طلبك عاليه عن الارض تقريبا عامله 70 الف ارخص من سعرك
انا اقولك على العربيات لى ف سعرك او ارخص
فى الكيا بيكانتو الشكل الجديد ودى على فكره عربيه بناتى اكتر اغلبية البنات بيحبوها بس مش واسعه اوى بس لذيذه وفيها الوان بناتى كتير بمبى وحاجات من دى 
فى برليانس ( دى صينى على فكره وواطيه حبه )
فى لانوس وفيرنا بس دول ارخص من سعرك ومناسبين لا واسعين اوى ولا ديقين اوى ومش عالين عن الارض اوى وتقريبا بردوا مش واطين اوى
افيو لوجان
اسبرانزا بردوا ( بس صينى ) |
متشكره اوى انا دلوقتى بقيت على نور
وعرفت كذا مركه ممكن اقارن بينهم دلوقتى
بس انا خايفه من الصينى
الكل بيقول العربيه يا اما يابانى او المانى
معرفش الصينى ده ظروفه ايه
متشكره مره تانيه ولو انها مش هترسى يعنى على عربيه بمبه
مش عشان انا بنت اجيبها بمبى
انا بشوف ان الاسود والكحلى والذهبى اشيك الوان فى العربيات