[f3lix]

المشاركة الأصلية كتبت بواسطة تامر ديزل حد جاب سيرة الثورة وقال عليها حاجه ؟ مانا عارف انه لولا الثورة بتاعت الشعب اللي انا منه ما كانش بقى ليا صوت ... ليه فيه ناس محسسنا انهم اصحاب الثورة وبيمنوا علينا بيها ؟ وكل ما واحد يقول راي مخالف ليهم يعايروه بالثورة ؟ طيب ما انا وغيري شاركنا في الثورة وكنت من اول الناس في اللجان الشعبية ... ما عندناش في دمياط ميدان تحرير بس عملنا اللي علينا انما سؤال واحد بس : ليه فيه مجموعه من الناس ليهم تيار معروف ... مصممين يحطوا كلمة الثورة جنب كلمة البرادعي جنب كلمة 6 ابريل ؟ علشان يوهموا الناس ان دول هما اصحاب الثورة والباقي ما لهومش فيها ؟ بأمارة ايه ؟ انا اعرف ان ممكن الواحد يكدب كدبه ويصدقها .. لكن يكدب كدبه ويجبر الناس انها تصدق ان البرادعي و6 ابريل هما اللي عملوا الثورة وباقي الشعب مالوش فيها ؟ ونصيحه : موضوع مهوش عاجبك متبقاش تشارك فيه او بلغ الادارة عنه

الشعب ما خرج بالملايين عشان ينتخب ممثليه الشرعيين طبعا كنتوا عاوزين الشعب يقاطع الانتخابات ويقولكم ياللا هاتولنا عمو البرادعي ريس

راجع كلامك ده وشوف قصدك ايه
على فكرة انا مع الثورة من اول يوم ونزلت انتخب عادي جدا يعني مفيش حاجة اسمها كنتوا عاوزين الشعب يقاطع الانتخابات زي مابتقول

وبعدين مالك كدة قافش؟؟ وايه لازمة اللي قولته في الاخر ده ؟؟ احنا بنتناقش بهدوء عادي جدا مفيش داعي للكلام ده
كل الحكاية اني لقيتك بتتريق عليه وعلى طريقة كلامه تريقة غريبة جدا
وكمان لو مش عاجبك الراجل ممكن تنتقده بطريقة احسن من كدة لانك لو مكانه اكيد هتضايق لو حد قال عليك كلام بتريقة
روق كدة احنا مش في خناقة