السلام عليكم
اولا احمد ربنا فعلا انك طلعت واقف على رجليك وسليم لان الالم الي بتحسه لا قدر الله لوكان في كسور او اي حاجه بيكون غير متوقع ابدا..شديد جدا
تانيا البيه المهندس الي قالك ان في زيت على البوجيه. مع كامل احترامي ليه ..طيب مهو طبيعي البوجيه يبقى عليه زيت.مش العربيه اتقلبت والمتور انطفى؟؟؟الشنابر بتبدأ تبرد وتنكمش وتفتح فالزيت بينزل جوه غرفه الاشتعال عشان المتور مقلوب راسا على عقب...سيبك منه ومتخافش ده يا اما مش فاهم كويس يا اما عايز يلبسك في حاجه....والله اعلم
بالنسبه للعربيه انا شفت الفيديو..العربيه مفهاش مشكله خالص انشاء الله وتتصلح بسهوله بس انت محتاج سمكري محترم وفاهم وعنده ضمير لان الاصابات محتاجه زراجين بزوايا صح بالذات الخبطه الي ورا الي خلت الباب يفارق الفرق الكبير ده.ده لو متردتش صح الباب ده مش هيرجع مكانه وهيفضل موارب ويخبط ويدخل تراب وميه...
متصلحش في التوكيل طبعا..الصنايعيه بره ارخص بكتير بس دور على صنايعي فاهم
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن
اللهم احسن وقوفنا بين يديك ولا تخزنا يوم العرض عليه
اللهم اغفر لنا ولوالدينا ولمن له حق علينا
