عايزة اقول رأيى بصراحة وياريت محدش يزعل منى
مع احترامى للاستاذ الدملاوى الا انك ماكانش المفروض تنقل الموضوع .. لسبب بسيط جدا ..
دى مش مجرد سخرية او تريقة من الجريدة عشان الناس تضحك .. الموضوع دخل فى غيبة على شريحة كبيرة من المجتمع , والتريقة داخلها جامع ومأذنة وحجاب ولحية وتمر اللى هو سنة نبينا
فى الاساس , وحاجات كلها لا ترمز الا للاسلام ..
قال الله تعالى ولا يغتب بعضكم بعضا أيحب أحدكم ان يأكل لحم أخيه ميتا فكرهتموه ..
رغم انى مختلفة مع الاخوان كتفكير ومنهج لكن عمرى ما افكر ابدا انى اتريق او استخف دمى عليهم بالشكل ده ابدا ..
وباقول لحضرتك تانى وياريت كلامى مايكونش دايقك .. ماكانش المفروض تنقل الموضوع ده .. لانى متأكدة ان فى ناس قرأته وتوغر صدرها منه .. يعنى الاستاذ اللى الف الكلام ده فى الجريدة شوف بقى هايشيل على دماغه ذنب قد ايه ..
نضحك ونسخر اه انما ماناخدش ذنوب عشان نضحك , دى حقوق عباد .. والواحد فى عرض ربع حسنة يوم القيامة ..
انا رأيى من رأى الاستاذ محمد فتحى .. ويارب كلامى يكون خفيف عليكم ..
واخيرا اقول قول الرسول
أفيكب الناس على وجوههم إلا حصائد ألسنتهم ..
ولك احترامى .