بصوا الصراحه انا بمزاجات فى السواقه
يعنى
ساعات تلاقينى نازل الصبح ومزاجى امشى سريع تلاقينى رحت مسخن العربيه تمام ومشيت صواريخ بس صواريخ ديه بالنسبة ل 128 يعنى اخى 80 الى 100 بالكتير اوى اوى
وفعلا بلاقى صوت العربيه عندى ليه صوت مميز جدا جدا ولا كأنى راكب بورش
وساعات تلاقينى نازل الصبح ماليش مزاج اجرى فا تلاقينى اسخن شوية بسيطة لغاية ما العربيه اول ما اشيل رجلى من على البنزين متبطلش واروح طالع واجى على كورنيش المعادى بيبقى الصبح بقى فاضى ورايق وحاجه اخر مزاج بجد يعنى وتلاقينى جبت الرابع على سرعة 40 واثبت على كده بس لو لاقيت حد جاى فى الحاره الشمال وعمال يرعش بوسع له علطول وبرجع الحاره الشمال تانى بس بردوا امشى على راحتى
بالنسبة لسواقة بليل بقى
تلاقينى مشغل النور العالى واخرى 30 الى 40 بالكتير اوى وتلاقينى ماشى فى الحارة الوسط لان كورنيش المعادى عندنا حوالى 4 حارات او 3 حارات على حسب وتلاقينى هاااادى اووووى
علشان بينى وبينكم بليل مش ببقى شايف الدنيا تمام يعنى الرؤيه عندى بليل ضايعه شويه بس الصبح زى الفل والحمد لله وتلاقنى بليل وانا ماشى علطول بدى فى كلاكسات كل كلاكس لمدة نصف ثانية تقريبا بمعدل كل دقيقة تلاتين كلاكس وبتبقى حاجه اوتوماتيك فيا علشان الناس تخلى بالها علشان زى ما قولتلكم مش بشوف بليل كويس ومن غير النور العالى مش بشوف خالص
فيه ناس ممكن تفضل تزمر بس هما مش بيكونوا عارفين اللى سايق قدامهم ده ظروفوا ايه للاسف علشان كده وانا سايق صعب اوى ازمر لحد ادامى حتى لو ماشى بطىء لانى معرفش ظروفوا هو كمان وبس كده