المشاركة الأصلية كتبت بواسطة AboNoRa
بصراحة يا أسلام انا لسه شايف الموضوع ده حالاً واسمحلى احييك عليه واشكرك على انتباهك للظاهرة الجديدة ديه
ولاستاذ درش احب اوضحلك اللى يقصدة اسلام بالظبط
بعض الاعضاء اعتاد ارسال تقييمات ايجابية للاعضاء اللى تقييماتهم عالية على الشاكلة ديه
تقييم من حبيبك (فلان)
من حبيبك اللى ناسية دائمأ (فلان)
بقالى كتير ماصبحتش عليك (فلان)
بروك عليك التقييم التانى (فلان)
وطبعاً بيذكر اسمة بدل كلمة فلان
وبالتالى يفقد نظام التقييم قيمتة كوسيلة للتقييم لا للمجاملة والتزلف والمداهنة ويحرج العضو اللى بعتلة التقييم فيضطر انه يديلة تقييم ايجابى هو كمان على اى موضوع ليه
بصراحة انا شوفت نظام التقييمات فى منتديات ومواقع كتير وعجبنى لكونة مؤشر على مدى قيمة مساهمات العضو لا عددها لكن مكنتش اتخيل ان حد ممكن يفكر يتسول التقييمات بالشكل ده
التقييم زى ما نتمنى كلنا المفروض يبقى مؤشر على قيمة مساهمات العضو فى المنتدى (ما يقدمة من موضوعات وردود وتجاوب مع الاعضاء فى ما يخص السيارات كما وكيفاً)
وديه اداة بيد كل من الاعضاء والادارة
ومسؤلية الادارة الحفاظ على عمل نظام التقييمات ليعكس دائما مستوى نشاط وقيمة مساهمات العضو
علماً بإن مستوى التقييم هو محصلة عدة عوامل
عامل تاريخ الانضمام (نقطة واحدة عن كل يوم)
عامل عدد المشاركات (نقطة واحدة عن كل مشاركة)
عدد مرات الشكر (عشر نقاط على كل شكراً)
التقييمات الفردية الايجابية والسلبية (متغيرة حسب قوة تقييم العضو الذى يعطى التقييم)
عدد مخالفات العضو (حسب نوع المخالفة)
مع تحديد عدد التقييمات يومياً ب 20 تقييم
ووجوب انتشار التقييمات على 10 اعضاء على الاقل قبل تكرار التقييم
ده نظام التقييمات وده الهدف منة اللى لازم كلنا نتعاون فى الحفاظ عليه
http://www.masrmotors.com/vb/memberl...putation&pp=20
دية قائمة باكثر 20 عضو حاصلين على تقييمات وحتى الان ارى انها تعكس ولو بنسبة 80% قدر مساهمات ونشاط الاعضاء
علماً بان الادارة تبذل مجهود كبير ودائم للحفاظ على ما تعكسة قيمة التقييمات بالاضافة لاستحداث وسائل جديدة لتمييز الاعضاء بناء على مدى تفاعلهم وطبيعة ومشاركاتهم
|
أنا مقتنع تماما يا أبونورا بكلامك وكلام الأستاذ اسلام
وعارف والله ان في ناس في المنتدى واخدة تقييمات ما تستحقهاش
بس المشكلة كلها ان الموضوع ده لو تم طرحه بالطريقة دي حتعمل مشاكل كبيرة جدا
فأنا بقول طالما كلنا واخدين بالنا من الموضوع ده والكل عارف ومقدر كويس جدا قيمة العضو بصرف النظر عن تقييمه يبقى خلاص نكبر دماغنا ونريح بالنا من المشاكل والشكاوي والاتهامات اللي ممكن تحصل ده غير الانشقاقات والتكتلات اللي حتبقى موجودة في المنتدى....والكلام ده بناءا على تجارب سابقة في منتديات تانية
ده رأيي.......يمكن يكون غلط بس أنا بس حبيت أحذر من اللي ممكن يحصل