رد: تجربتى مع توكيل فولكس فاجن
و الله يا اخ يحي مش عارف ليه مش مصدق و لاكلمه من كلامك خلينى انا بقى احكى لك عن تجربتى مع توكيل الفولكس اللى فى العبور اولا عربيتى كانت فى الضمان و كان الدركسيون اول ماتشغل العربيه كان بيعمل صوت وديتهالهم و للامانه غيرو مجموعه rack and pinion مش عارف ايه اسمهم بالعربى بس دى المجموعه اللى بتاخد الحركه من الدركسيون الى الكبالن مجانى ثانيا مفتاح الاشارات برضه باظ ر حت و غيروه مجانى تعالا بقى للمهم الفتيس عندى كان بيعض ف الغيار التالت و ديتهالهم و هى فى الضمان 3 مرات كل مره يشحمو القطع اللى واصله بين العصايه و الفتيس المهم المره الرابعه رحتلهم بنفس المشكله رفعو العربيه و قالولو العربيه محتاجه اسطوانه و بليه و ديسك و التكاليف 2500 جم قلت لهم ما اكتشفتوش الكلام دا الا لما العربيه طلعت من الضمان من كام يوم ما المشكله كانت موجوده قبل كده مقولتوش الكلام دا وهيه فى الضمان ليه قالو لى عاوز تصلحها لازم تدفع حاولت مع كبير المهندسين و كان اسمه شاكر مستحيل حاولت مع المدير العام مستحيل قلت لهم نزلو العربيه و خدو منى يومها 23 جم فحص و قلت لهم انا لى شغل تانى مع الشركه فى المانيا و قعدت اراسل الشركه فى المانيا و همه يراسلوهم و يطنشو لحد ما قلت للشركه فى المانيا ان انا 30 سنه ما باركبش غير فولكس و لكن اوعدكم ان دى اخر عربيه فولكس حاركبها فى حياتى و قلت لهم حاعملكم سمعه زى الزفت عل النت ساعتها بس اتصل بى واحد من التوكيل و كان اسمه محمد فادى و قال هات العربيه حنعملهالك قلت له على حساب مين قاللى على حساب الشركه 7 شهور مراسلات بينى و بين الشركه فى المانيا بعدها حلفت ما اخش التوكيل حتى لو حولع فى العربيه فمعلهش بلاش افوره لاحسن الناس يفتكرو ان الصوره و رديه و يتغشو فى التوكيل و يروحو يتعورو فى 3000 او 4000 جم ثا نيا موضوع البوفيه دول ماجرينه ولو طلبت شاى بيحاسبك ب3 جم و القهوه ب4جم و كانك فى كافتريا سياحى اما عن موضوع الواى فاى دا ممكن لانى اخر مره كنت هناك كان من 5 سنين
|