انا عربيتي موتورها موتور اكوتافيا 1600 معاقين معدل و انا لسة مشتريها و كنت ودتها لميكانيكي قريب من البيت مش بيشتغل في السكودا بس قالي هي محتاجة حاجات بسيطة و سهل اعملهالك المهم طلب شوية حاجات ( سير دينامو و سير كاتينة و جيوان تاكية و طقم بوجيهات و فلتر زيت ) و ركبهم و طلعت اجرب العربية .
و فجاءة العربية وقفت تماما و مش بتدور ببص على المتور لقيت سير الدينامو السلك الي عليه مقطوع و دخل جوا المتور على الكاتينة و اتصلت بالباشا يجي يشوفها قالي هي كده جابت صبابات
و هتحتاج نص عامرة و فهمت منو ان المتور راح ف داهية .
انا جديد في موضوع العربيات ده و اول طالعة كده جالي احباط شديد و نفسي اعرفي المشكلة دي سببها ايه ؟
و تصلحها هيأثر على العربية فيما بعد و تبقى فتحت بقها زي ما بيقولو ؟
و ايه الافضل اغيير الموتور ولا اصلحو ؟
و التكلفة كام لان دي اهم حاجة و اعملو فين ؟
برجاء يا جماعة حد يفدني و جزاكم الله كل خير .