السلام عليكم ورحمة الله وبركاته
اخى الكبير الشيخ طارق
واحشنى كتير والله من اخر مره كتبت موضوع واتكلمنا فيه فى المنتدى كان من فتره بسبب بعض المشاغل فى الدراسه والله لا اكثر ولا اقل
اما بعد
انا بعانى الامرين فى ظل هذه البروده فى تدوير السياره صباحا وذلك لانى كل اما اجى ادور السياره لازم نكارك ونسايس السياره علشان تشتغل واول ما تبداء تشتغل لازم اكون دايس على ربع بدال البنزين علشان متبطش لو شيلت او خففت رجلى من على البنزين والكلام ده بيبقى حوالى 8 الى 10 دقايق المشكلة ان جرانى عندهم عربيات حديثه بلاقيهم بيدورا ويمشوا علطول فى حين انا لو العربيه لسه مخدتش حقها فى السخونيه لو جيت امشى بيها الاقيها كانها عاوزا توقف ومش مظبوطه لغاية ما تسخن تبداء تمشى عدل فهل فيه حل للموضوع ده واحد صحبى قالى ديه موبينه وهات موبينه روسى ومش عارف ايه رحت قولتله اما اسأل اخى الكبير الاول
فارشدنى الى الصواب يا شيخ طارق
جزاك الله عنا كل خير وبارك لك فى صحتك وعمرك ودينك وزوجتك وذريتك الى يوم الدين
و
السلام عليكم ورحمة الله وبركاته