المشاركة الأصلية كتبت بواسطة ezzat2002mo
انا عندى مشكله وهيه انى لما بمشى بالعربيه وادى الثالث والرابع بعدها وازود شويه الاقى العربيه مش بتسحب معايا يعنى صوتها بيعلى بس مش بتجرى والسرعه مش بتزيد عن 60 - 70 كم وساعات بسمع دربكه كان فيه ترس بيلف على الفاضى وساعات بكون دايس بنزين وانا على الثالث او الرابع وصوت العربيه عالى ولما بخف رجلى من على البنزين الاقيها تسحب شويه زياده مش عارف ده كوبلن ولا اسطوانه ياريت الافاده
|
كده فى الاغلب ديسك واسطوانه
وكمان كده انت دخلت فى مرحلة الخطر خلاص يعنى الديسك والاسطوانه بيودعوا
علشان لو كوبلن وانت بتلف جامد هتفضل تسمع فى طقطقه بس ما دام مش بتلف ومش بتسمع حاجه يبقى خلاص مفيش حاجه فى الكوبلن بس مشكلة فى الاغلب بنسبة 99% مشكلة ديسك واسطوانه والمشكلة حلها هيكون فى حوالى متوسط سعر 350 جنية وتكون متاكد من الميكانيكى اللى هيعملك الحكايه ديه وتكون اتعملت معاه قبل كده او معروف عنه انه خيره فى 128 و لما تيجى تشترى الديسك والاسطوانه حاول تجيب انضف نوع ولو ليك واحد صحبك عنده محل قطع غيار بس انت واثق فيه خليه هو اللى يجيبهالك او صحبك وعندهوش محل قطع غيار بس بيفهم خليه بردوا هو اللى ينزل معاك علشان الديسك والاسطوانه ده بيبقى فيه انواع مكتوب عليها صنع ايطالى وهى صنع فى بير السلم يمكن مجابتش بير السلم ونهاية كلامى احب اقولك ان ده بيحصل فى كل العربيات الحديث والقديم وان شاء الله تعدى على خير