المشاركة الأصلية كتبت بواسطة alaakamal
يا جماعة انا تعبت جدا عمال ادور على زينون حلو اشتريه كل لما اشوف حاجة حلوة الاقى ناس بتقول عليها وحشة انا عايز اعرف ايه الحاجة اللى الكل متفق عليها
اول حاجة هوه فى فرق بين ال 4300 و 6000 فى القوة ولا لأ ؟ انا الصراحة شايف ان ال 6000 احلى و اشيك
تانى حاجة حد يفهمنى بس براحة كده : ايه هوه ال H1 و H7 انا فاهم بس مش قوى و ازاى اعرف انا عندى انهى واحد فيهم و ايه الاحسن
تالت حاجة انا استقريت على الزينون الفيليبس الالمانى الاصلى اللى هوه ب 1200
انا مش مهم معايا الفلوس الغالى تمنه فيه بس حاجة تعيش و تبسطنى احسن مليون مرة لما ابقى محوش فلوس و مش مبسوط
يا ريت اللى يرد يقولى كل التفاصيل و اشترى منين عشان انا مش عارف ولا مكان فى اللى انا عايزه
و يا ريت كمان شوية حاجات كده اعرف بيها ازاى افرق بين الاصلى و المضروب
وشكرا
|
السلام عليكم
بالنسبه لاستفسارات حضراتكو
1- الارقام ده(6000) غالبا بتمثل قوه الاضاءه
2-الرموز ده H1)بتمثل موديل اللمبه لان مش كل اللمبات بتركب في كل الكشافات بالنسبه للعربيات الحديثه وبرضه لمبه كشاف الشبوره اشكالها مختلف تماما عشان كده تختار موديل الي يناسب الكشاف الي عندك
3-بالنسبه للزينون انا رايي لو هتركبه تركب الصيني ( HID)لانه لو تلف اي جزء بيتباع لوحده لكن الاصلي(هيلا او بوش اوفيليبس) لو تلف جزء بيتغير الطقم كله ونادر لو لقيت قطع غياروغالي
وخلو بالكو يا جماعه اي زينون بيكون بالحظ واغلبه عمره الافتراضي مش طويل عشان كده الناس كانو بيدو ضمان ست شهور على المديول ومفيش ضمان للمبات ودلوقتي نادر لما تلاقي حد يديلك ضمان
انا عندي الصيني قعد سنه واضطريت اغير الكتاوت بالضفيره (ساح من حراره المتور)واللمبتين كمان والحمدلله المديولات كانت سليمه
ولما تركب متخليش الصنايعي يخرم غطا الفانوس لما يجي يدخل الضفيره جوه الكشاف عشان بعد كده بيدخل تراب وميه جوه الفانوس..انا فاكك فيشه الفانوس من كلبساتها ومعدي الضفيره من مكان الفيشه. ومهم جدا تثبيت المديولات والكتاوت باحكام والتقريط على سلك الكهربا والارضي عشان ميحصلش تهريب كهربا ويحرق حاجه او يسيح مفتاح النور
باقي نصيحه اخيره لو قررت تشتري اشتري حاجه يكون على كرتونتها ايزو ومتقللبش بالزينون عشان بيحرق المديول ولواضطريت تقللب قلب لفتره طويله(يعني مترععش)
يارب اكون افدتكو
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن
اللهم احسن وقوفنا بين يديك ولا تخزنا يوم العرض عليه
اللهم اغفر لنا ولوالدينا ولمن له حق علينا
