المشاركة الأصلية كتبت بواسطة sayed2077
1:بالنسبة للتعديل على السيارة :السيارة من اكثر سيارات فيات القابله للتعديل بس انا فى رائى اللى هتصرفه على التعديل زوده على فلوسك وجيب عربيه احدث شوية
2:بالنسبة لقطع الغيار قطع الغيار بتاعتها رخيصه جدا جدا بس للاسف مش بتستحمل كتير يعنى مثلا عندك ابلاتين وكوندنسر بيبقى فحدود 10 الى 15جنية لكل واحد بس عمره الافتراضى بيبقى حوالى شهر الى شهر ونصف
3:السياره بصفه عامه :السياره كويسه جدا خصوصا لو ناوى انك تتعلم سواقه جديد وفعلا وعن تجربه لو عرفت تسوق 128 كويس هتقدر تسوق اى عربيه تانية بكل سهوله مهما كان نوعها وماركتها وموديلها وديه انا مجربها بنفسى .فى حين ان الناس اللى بتتعلم على عربيات حديثه مثلا وتيجى تسوق 128 بتتعب قوى عقبال ما بتتعود ازاى تظبط رجلها على الدبرياج بس وغير كده العربيه تعتبر كويسه جدا الى اسره متوسطة تتكون من 5 افراد بس ميكونوش تخان اوى وانت لما تجيبها وديه نصيحه منى اصرف عليها بتاع 1000 جنية تغير سيور و زيوت وتغير طقم كهرباء كامل و الكلام ده بس الكلام ده حسب حالة العربية يعنى اللى انا بتكلم عليه لو العربيه مفيهاش حاجه او حالتها عموما كويسه يعنى مثلا مش محتاج حل فتيس والشغل ده او حل ماتور او عمل عمره .وكل شهر اعملها مصروف 200 الى 250 جنية وديها للميكانيكى والكهربائى وكده وعمر ما العربيه ان شاء الله هتعطل منك انا علشان بعمل كده العربية والحمد لله عمرها ما عملت حوار ندالة معايا مش زى ما بسمع يفضلوا يقولوا ديه بتعطل ومش عارف ايه والله خنقونى وفى الاخر لما جبتها وحفظت عليها مالقيتش فيها اى حاجه والحمد لله بس ده بسبب انك ايدك فيها على طول وبتصرف عليها على طول
ولو جبت عربيه وانت قريب من المعادى فى كهربائى وميكانيكى بتعامل معاهم بجد اسعارهم كويسه وشغلهم نضيف جدا والله بيظبطوا العربية بتاعتى ظبته مالهاش حل وبالنسبه للكهربائى ده بيشتغل فى جميع انواع العربيات حديث وقديم وكمان ليه فى التكيف وده عن تجربه والله
وبالنسبة لانها تستحمل سفر ولا لا فده انا جاوبت عليه فى موضوعك التانى بتاع ملاك 128
و على فكره انا عندى 18 سنه زيك و عمرنا زى بعض يعنى
والسلام عليكم ورحمة الله وبركاته |
والله مش عارف اشكرك ازاى بس فعلا انت جبتلى من الاخر وشجعتنى عليها وانت نورتنى فى الموضوعين والله
وبخصوص اتعلم سواقة انا معايا رخصتين السواقة واحدة البايك وواحدة السيارة الحمد لله
وبسوق عربية والدتى وهى verna من تقريبا سنة ونصف وفى فترة صغيرة لادا
يعنى حوالى سنتين سواقة والرخصة طلعتها اول ما كملت السن وكله بتوفيق ربنا طبعا